மனசுக்கு கொஞ்சம் எனர்ஜி :) வெளிநாட்டு பொய்க்கால் மாந்தர்கள் ,Stilt Walking

இன்றைய பதிவில் பொழுதுபோக்கு ,மனசுக்கு கொஞ்சம்  எனர்ஜி தரும் உணவு ,பழைய படங்கள் ,அதீஸ் பேலஸ் அப்டேட் ,

Panangkizhanku|யாழ்ப்பாணத்துப் புழுக்கொடியல் செய்வது எப்படி |உடலின் இன்சுலினை அதிகரிக்க|பனங்கிழங்கு

நாம் உற்சாகமாயிருந்தா எதிராளிக்கு கொஞ்சம் பேலன்ஸ் தவறும் .

ஆனால் நாம் கொஞ்சம் வீக்கா இருந்தது வெளிக்காட்டினாலோ அல்லது உள்ளிருக்கும் பயத்தை வெளிக்காட்டினாலோ அவ்வளவுதான் எதிராளி நம்மை அடிச்சி சாய்ச்சிடும் .இந்த வீக்னஸ் எனக்கு கொஞ்சம் உண்டு அதனால் அதிகமாக பிரச்சினைகள் தலைதூக்குவதுமுண்டு .இதை தவிர்க்க என்ன செய்யலாம்னு யோசித்ததில் எதேச்சையாக ரீசண்டா கண்ணில்  பட்டது மேலுள்ள படம் மற்றும் வசனம்  இப்போதெல்லாம் நானும் ரவுடிதான் எதையும் தாக்கும் இதயம்தான்  என்கிற ரேஞ்சில்தான் நடமாட முயற்சிக்கிறேன் .நீங்களும் செய்து முயன்றுவிட்டு உங்கள் அனுபவங்களை சொல்லுங்க :) குறிப்பாக உங்கள் மனதை வீக்காக்கும் விஷயங்கள் என்னவென்றும் சொல்லுங்க  அந்த விஷயங்கள் எல்லாருக்கும் இருக்கான்னு சேர்ந்து ஆலோசிப்போம் :)

                                                               *********************

                                   கணினியில் தேவையற்றவற்றை குப்பையில் தள்ளிகொண்டுவந்தேன் அப்போ இந்த படங்கள் கிடைத்தது .

                                                                         

stilt walking   ..இது ஒருவகை கலை .இங்கே ஒவ்வொரு சிட்டியிலும் நல்ல சம்மர் நேரம் விடுமுறை நாட்களில் ஆண்கள் பெண்கள் தங்கள் கால்களில் இப்படி கட்டையை கட்டிக்கொண்டு அனாயசமாக ரோட்டில் நம்மருகே நடந்து வருவாங்க கைகளில் juggling செய்துகொண்டு சர்க்கஸில் கோமாளிகள் வருவதுபோல் இவங்க ஆங்காங்கே நடப்பாங்க .இதெல்லாம் நல்ல வெயில்காலத்தில் பள்ளி விடுமுறை நாளில் கட்டாயம் பார்க்கலாம் .அப்படி ஒரு கோடையில் நாங்கள் பக்கத்து சிட்டிக்கு போனப்போ இந்த உயர்ந்த மனுஷிகளை பார்த்தப்போ எடுத்த படம் .

                                                                           

இந்திய கடவுளர்களையும் இந்த உயரக்கட்டையில் ஏற்ற முயற்சித்திருக்காங்க ஆனா தொப்பை பிள்ளையாரை பார்த்த கண்ணுக்கு இந்த ஒல்லி வீக் பிள்ளையாரை ஏற்க மனம் வரவேயில்லை கர்ர்ர்ர்ர்ர் 

                                                                     நன்றி கூகிள் 

இவுக சேலைகட்டிய ஸ்டில்ட் வாக்கர்ஸ் :) 

நன்றி கூகிள் 

                                                                                

இந்த நடையைப்பற்றி மேலும் சில தகவல்கள் இங்கே 

                                                                              

பிரான்சில் ஒரு பகுதியில்  பைன் மரங்கள் காடுகள் உள்ள பகுதியில் ஆடுமேய்ப்பவர்கள் இந்த ஸ்டில்ட் குச்சிகளை கட்டிட்டு காட்டுக்குள் ஆண்களும் பெண்களும்  ஆடு மேய்க்க போவார்களாம் .எவ்ளோ வசதியா  இருந்தா அந்த பெண்கள் அந்த குச்சியில் ஏறிகிட்டு knitting கூட செய்திருக்கிறாங்க :) நினைக்கும்போதே கண்ணு வேர்க்குது .

 அடுத்த படம் 

===============

                                                                         

போன வருஷம் லாக்டவுன் தளர்த்தியப்போ போன இடத்தில பார்த்தது :) ஆனால் காபி குடிக்க முடியலை பூஸார்களுடன். .அட்வான்ஸ் புக்கிங் செய்யணுமாம் :)))

இப்போ ஒரு quiz :) இது என்ன பொருள்னும்   சமையல்குறிப்பின் பெயர் என்னவென்றும்  கண்டுபிடிங்க .

                                                                   

அந்த சமையல் செய்முறைக்குறிப்பின் பெயர் சரியா சொல்றவங்களுக்கு  அதீஸ் பேலஸில் இருந்து மஷ்ரூம் பகோரா  அவங்க வீட்டு தட்டுடன் வழங்கப்படும் :))

அதீஸ் பேலஸ் தட்டு ,பகோராவெல்லாம் பார்க்க இங்கே தட்டுங்க 

அப்புறம் சமீபத்தைய அப்டேட் அதீஸ் பேலஸிலிருந்து :) 

Panangkizhanku|யாழ்ப்பாணத்துப் புழுக்கொடியல் செய்வது எப்படி |உடலின் இன்சுலினை அதிகரிக்க|பனங்கிழங்கு

புதிய காணொளி   https://www.youtube.com/watch?v=qqJZeZmNedE

2019 இல் நண்பி ஒருவருடன்  Norman castle ஒன்றிற்கு போனப்போ எடுத்த சில படங்கள் :)

                                                                               

                                                                                      

              உள்ளே அவங்க ஆடை அணிகள் , படுக்கை, மெத்தை, டைனிங் டேபிள், துடைப்பம் ஆடை ஆபரணம் அவங்க  வேட்டைக்கு சென்று சுட்டு எடுத்துவந்தவை என்று பல இருந்தன ஆனாலும் இந்த மண் உபகரணங்கள் எனக்கு மிகவும் பிடிச்சிருந்தது 

                                                                                 

அதோட பணியாளர்களின்  தங்கும் அறை படுக்கும் மெத்தை மற்றும் அவங்க துணிமணிகளை வைக்கும் ஒரு தொங்கும் அமைப்பு ரொம்பவே பிடிச்சதால் அந்த படங்களை இணைக்கிறேன் 

                                                                                  

                                          

                                                    இந்த கட்டிலில் எப்படி படுக்க முடியும்னு கிறுகிறுத்து மண்டை :)

                                   

இப்படி உயிரற்றவற்றை  சுலபமா படமெடுக்கலாம் ஆனால் இந்த நீல நிற தட்டான்களை படமெடுக்க நான் பட்ட பாடு சொல்ல முடியாது :)

 நாங்க போன ஒரு பெரிய பார்க்கில் நூற்றுக்கணக்கில் நீல நிறத்தை அங்கங்க தெளிச்சு விட்ட மாதிரி இவை இருந்தன ஆனா கிட்டே போகும்போது கலையும் .

மீண்டும் மற்றொரு பதிவில் உங்களை சந்திக்கின்றேன் .

=========================================================================