அடுத்து வரவிருக்கும் பதிவுகள் ...கினொவா தோசை , வெந்தயக்கீரை சாம்பார் ...பஞ்சாபி சமோசா !!!!

மீண்டும் சந்திப்போம்................அடுத்து வரவிருக்கும் பதிவுகள் ...கினொவா தோசை,Ragada Patties ,தட்டு தோசை , வெந்தயக்கீரை சாம்பார் . . !!!!cheese பராத்தாஸ் அனியன் cheese பராத்தாஸ் ,காரட் லெமன் பருப்பு ..!!!

6/25/17

Prom ...பரீட்சை முடிந்தவுடன் ஒரு கொண்டாட்டம் :)



Prom  ..
====


                                                                              



இங்கே பிரைமரி பள்ளி இறுதியில்  6 ஆம் வகுப்பில் , உயர் நிலை பள்ளி முடியும்தருவாயில்   11 ஆம் வகுப்பிலும்  மற்றும்  (6 th Form ) 13 ஆம் வகுப்பிலும் ஆண்டு இறுதியில் பரீட்சை முடிந்ததும்  எல்லா பள்ளிக்கூடங்களிலும் இந்த ப்ரோம் மிக பிரபலம் ..எல்லா விஷயத்திலும் முன்னோடிகளான அமெரிக்காதான் இந்த ப்ரோம் எனும் பள்ளி ஆண்டிறுதி கொண்டாட்டத்தை துவக்கியது அது இப்போ இங்கிலாந்தில் கடந்த 10 வருடங்களாக ஒவ்வோராண்டும் புது வடிவில் பிரமாண்டமாக ஆகி வருகிறது .அமெரிக்காவில் நடக்கிறது இங்கே அவங்க தொலைக்காட்சி நிகழ்ச்சிகள்   glee ,ஹானா  மோண்டானா மற்றும் ஹை ஸ்கூல் மியூஸிக்கல்ஸ் வழியே எங்க ஊருக்கும் வந்து விட்டது ..

6/12/17

இது எங்க ஏரியா :)



                                சனிக்கிழமை நானும் அவரும் எப்பவும்போல canal வழியா செல்லங்களுக்கு உணவு எடுத்துக்கொண்டு வாக்கிங் போனோம் ..கொஞ்சம் தொலைவு சென்றதும் ஒரு பிரிட்டிஷ் ஆணும் அவரது மனைவியும் புஷ் சேரை தள்ளிக்கிட்டு வேகமா எங்க முன் வந்தாங்க..அந்த பொண்ணு கண்ணில் பயத்துடன் சொன்னார் ..//அங்கே ஒரு ஸ்வான் குடும்பம் இருக்கு ஒருவரையும் அவ்வழியே கடந்து போக விடாம பாய்ந்து கொத்துது கவனம் என்றார் ..நானும் இவரும்  வேகமா முன்னே சென்று பார்த்தால் இதோ இவங்க கணவன் மனைவி பிள்ளைங்க நாலுபேர்

6/10/17

நெல்லிக்காய் மோர்க்குழம்பும் ரசித்து ருசித்த சமையலும் ....

நெல்லிக்காய் மோர்க்குழம்பு
-------------------------------------------------------


                                                                               



மோர்குழம்பு எங்க வீட்ல அடிக்கடி இடம்பெறும் சமையல் .பருப்பு சேர்த்து பருப்பு சேர்க்காம தாளித்த மோர்க்குழம்பு ,சுண்டக்கா ,சுக்கங்காய்வற்றல் சேர்த்த மோர்க்குழம்பு கோவைக்காய் சேர்த்த மோர்குழம்புன்னு விதவிதமா செய்வேன் ஒருமுறை காமாட்சியம்மா அவர்கள் நெல்லிக்காய் பச்சடி செய்திருந்தாங்க (எல்லாவற்றுக்கும் சுட்டியை பதிவின் இறுதியில் இணைக்கிறேன்) ..அந்த பச்சடி மாதிரிதான் இதுவும் ஆனா அதையும் மோர்க்குழம்பு செய்முறையும் இணைத்து வித் மை டச் நெல்லிக்காய் மோர்க்குழம்பாக்கியாச்சு

5/31/17

குழந்தையும் தெய்வமும்


 இன்று வாசித்த சில பதிவுகள் மனதில் பல நினைவுகளை மீட்டி எடுத்து விட்டன ..அதில் முதலாவது நம்ம அவர்கள் ட்ரூத் இந்த 
பார்வைகள் பலவிதம் ..குழந்தைகள் பற்றிய  பதிவு .




நமக்கு அசிங்கம் அருவருப்பாக தவறாக தோன்றுவது குழந்தைகளுக்கு சரி என்று தோன்றும் ஏனென்றால் அவர்கள் இறைவனின் மறுவுருவங்கள் .அவர்களுக்கு எதையும் நேருக்குநேர் சொல்ல தெரியும் உள்ளொன்று வைத்து புறம்பேசவும் தெரியாது..
அவர்களின் பார்வை தெளிவாக இருப்பதே இதற்க்கு காரணம் ..எதற்கெடுத்தாலும் குற்றம் கண்டுபிடிக்கும் வளர்ந்த பெரியவர்களால் அந்த குழந்தை மனதை மீண்டும் பெற சாத்தியமில்லை .

5/30/17

ரசித்து ருசித்த சமையல் :) with Angels Touch :)



                                                                         

இது சுடச்சுட செய்தது :) இன்று நம்ம அவர்கள் ட்ரூத் ஒரு சமையல் குறிப்பு போட்டிருந்தார் உடனே சமைத்து ருசி பார்த்தாச்சு .

இப்போ சுடச்சுட எனது கிச்சனிலிருந்து உணவு மேஜைக்கு 

                                                                              



எனக்கு சமையல் குறிப்புகளை அப்படியே செய்து பார்ப்பதை விட கொஞ்சம் என் ஸ்டைல் டச் வர மாதிரி செய்வேன் ..குளிர்சாதனப்பெட்டியில் ஒரு வாரமா வாங்கி வைத்த  desi panneer இருந்தது ..எப்பவும் எல்லா காய்கறிகளுடனும் சேர்த்து வதக்கி உண்பேன் ..இன்னிக்கு மதுரை தமிழரின் ரெசிப்பி பார்த்ததும் சிங்கம் களத்தில் இறங்கிடுச்சி

5/26/17

அன்புள்ள நாட்குறிப்புக்கு .... :)


அன்புள்ள நாட்குறிப்புக்கு .






 நான் நலம் ..நீ நலமா ...இது வரை நானும் நீயும் சந்தித்து உரையாடியதில்லை ..பல வருடங்கள் முன் படிக்கும்காலத்தில் உடன் படிக்கும் மாணவிகள் பலருக்கு இந்த டைரி எழுதும் பழக்கம் இருந்தது  ..நானும் ஆரம்பித்தேன் சில நாட்களிலேயே எழுத ஏதும் தோன்றாததால் அப்படியே விட்டுவிட்டேன் ..மேலும் எல்லா சம்பவங்களும் தேதி வாரியாக மூளையில் பதிந்து வைத்திருப்பதால் அங்கிருந்தே தேடியெடுத்துவிடுவேன் ...திடீரென ஒரு ஆர்வம் நாமும் மீண்டும் டைரி எழுத துவங்கலாமேயென்று ..ஆகவே கடந்த வாரம் முதல் இந்த வாரம் வெள்ளி வரை நடந்த நிகழ்வுகளை இங்கு எழுதுகிறேன்  ;)

5/19/17

போவோமா ஊர்கோலம் ..

ராஜி பக்கம் ஒரு படத்தை அனுமதியுடன்  சுட்டு எடுத்து வந்து அதை குவிலிங் செய்து நட்பு ஒருவரின் பிறந்த நாளுக்கு பரிசளித்தேன் :)

                                                          என்வலப்பில் வைத்தப்பின்                          


நாங்க தினமும் வாக்கிங் செல்லும் பகுதி கால்வாய் பக்கம் அமைந்துள்ளது ..ஒவ்வொரு கால்வாயிலும் நிறைய படகு வீடுகள் செல்லும் .சில ஆங்காங்கே நின்று கொண்டிருக்கும் வருடம் முழுதும் கூட மக்கள் தங்கி  இருப்பாங்க அதிலேயே

5/18/17

அன்புள்ள சித்தப்பாவுக்கு....



                                                                                    





முன் குறிப்பு

 ..தோட்டத்தில் பறவைகளுக்கு உணவிட்டுக்கொண்டிருந்தபோது ஒரு புறா கடிதம் ஒன்றை என்னிடம் தந்தது அதை பிரித்து படித்தேன் அனுப்புனர் பெறுநர் முகவரி  இல்லை ..நான் வலைப்பதிவர்னு புறாவுக்கு தெரிஞ்சிருக்கும்போல :) அந்த கடிதத்தை இங்கே பகிர்கிறேன் ..


அன்புள்ள சித்தப்பாவுக்கு நலம் நலமறிய ஆவல் ..உங்களுக்கு கடிதம் எழுதணுமென்று நீண்ட நாள் ஆசை
..உங்களை நான் சித்தப்பா என்று அழைக்க காரணம் நீங்கஅப்படியே எங்க அப்பா மாதிரி இருப்பதுதான் ஒரே காரணம் .என்று நினைச்சா அது தப்பு நீங்க எங்கப்பாவை விட கொஞ்சூண்டுதான் வயதில் இளையவர் அதனால் பெரியவங்களுக்கு மரியாதை தரணும்னு சித்தப்பான்னு கூப்பிடறேன் ...

5/11/17

சர்க்கரை இனிக்கிற சர்க்கரையும் நானும் :)



                                                                             



                                                 இங்கே என்னை சுற்றி குஜராத்தியர் பஞ்சாபியர் இனிப்பு கடைகள் மூலைக்கொன்றாக இருந்தாலும் சாக்லேட்டுகள் விதவிதமாக கிடைத்தாலும் எனக்கு இனிப்பு என்பது சிறு வயது முதலே  மனதுக்கும் நாவுக்கும்  நெருக்கமான பண்டமில்லை  :) சிறு வயதில் இருந்தே நான் இனிப்பு உணவுகளை  விரும்பியதில்லை

5/6/17

அந்த நாள் ஞாபகம் நெஞ்சிலே :) வந்ததே

                                                                                   





முந்தி முந்தி காலத்தில சின்ன பிள்ளையா இருந்தப்போ ஸ்கூலுக்கு பிறந்தநாளுக்கு கலர் ட்ரெஸ் போட்டு பார்லே நியூட்ரின் சாக்லேட் பெட்டி கொண்டுபோவோம் ..பள்ளிக்கூடங்களில் சனிக்கிழமைகளில்  மட்டும் கலர் டிரஸ் போட அபூர்வமா அனுமதி கொடுப்பாங்க ..விரல் நகம்லாம் ஸ்கூல் பி.டி வகுப்பில்  கையை நீட்டி நிக்க சொல்லி ஒழுங்கா வெட்டியிருக்கானு பார்ப்பாங்க கொஞ்சம் வளர்ந்திருந்தாலும்  ரூலரால் கை  முட்டியில் அடி  விழும் .ரெண்டு ஜடை எண்ணெய் போட்டு வாரி மடிச்சு கருப்பு ரிப்பன் கட்டணும்..அதேதான் ஆடு மாதிரி தான் போவோம் :)

5/2/17

Loud Speaker ...46 தேம்ஸில் விழுந்த பூஸார், British Currency


இன்றைய முக்கிய செய்தி :) தேம்ஸில் விழுந்த பூஸார் ,
                                                                       


இங்கே லண்டன் பகுதிகளில் தேம்ஸ் நதி  ஓரம்  நிறைய அலுவலகங்கள் அமைந்திருக்கும் ..அந்த அலுவலகங்களில் எலி தொல்லைகளை தடுக்க பூனைகளை வளர்ப்பார்கள் ..லண்டனில் எலியா !! என எனக்கும் இங்கே வந்த புதிதில் ஆச்சரியமாகத்தான் இருந்தது .இங்கே கரப்பான் பூச்சி கூட இருக்காம் !! ஆனால் நான் பார்த்ததில்லை

5/1/17

சில குணாதிசயங்களும் மரபணுக்களும் (2)

சில குணாதிசயங்களும் மரபணுக்களும் (2)

                                                                                



தம்பி 
=====

                                                      தம்பி என்று இங்கே சொல்லப்போவது எங்க வீட்டு சண்டை சேவல் பற்றி ....எங்க வீட்ல நிறைய கோழி புறா எல்லாம் வளர்த்தோம் ..அதில் சண்டைக்கோழி வகைகள் நிறைய விதவிதமா ..சண்டைக்கோழிகள் சேவல்கள் நாய்க்குட்டி போலவே கூட வரும் நான் வெயிலுக்கு  பாய் விரிச்சி தரையில் படுத்து தூங்குவேன் இதுங்க எப்படியோ மின்விசிறி காத்து தேடி ரூமுக்குள்ள வந்து பக்கத்தில் குடும்ப சகிதமா உக்காந்திருப்பாங்க :) குடும்பம்னா முதல் இரண்டாம் மூன்றாம் மனைவியர் சகிதம் :)

4/27/17

சில குணாதிசயங்களும் மரபணுக்களும் (1)



                சில குணாதிசயங்கள்  மரபணுக்கள் வழியே  சந்ததியினரை தொடரும் என்பது பற்றி ஜோதிஜி அவர்களின் என்னைப்பற்றி பதிவில் உள்ள பின்னூட்டத்தில்  வாசித்தபோது நம்மை சுற்றி  ஏதாச்சும் நல்ல விஷயங்கள் தொடர்கிறதா என்றும் அதேபோல இளம்பிராயத்தில் நம்மை அறியாமல் ஏற்றுக்கொள்ளும் சில பழக்கவழக்கங்கள் காலமெல்லாம் வாழ்வில் தொடருமா  ! என்றும்  யோசித்துக்கொண்டிருந்தேன் அப்போ எங்க வீட்டில் மற்றும் அக்கம்பக்கம் தெரிந்தவர்கள் மத்தியில் இப்படி தொடரும் சில தொட்டில் பழக்கங்கள்  குணாதிசயங்கள் நினைவுக்கு  வந்தது

4/24/17

வந்ததே வசந்தம் :) மற்றும் எனது பேலியோ பயணம் ..swans ducklings

வந்ததே வசந்தம் :) 


முதலில் ஒரு சந்தோஷமான விஷயம் நாங்க அடிக்கடி நடைபயிற்சி  செல்லும் வழியில் வசிக்கும் எங்கள் வளர்ப்பு மகள் 12 குழந்தைகளுக்கு தாயாகி என்னையும் என் கணவரையும் பாட்டி   தாத்தா ஆக்கிட்டா :) நல்ல கடும் குளிர்காலத்தில் கூட நான்  அவ்வழியே சென்று வாத்துக்களுக்கு உணவிட்டு வருவேன் ..அந்த வாத்து 12 பாப்பாக்களையும் கூட்டிட்டு என்னை நோக்கி வந்தாள் :) அன்னிக்குத்தான் முதலா தனது குழந்தைகளுக்கு வெளியுலகை அறிமுகம் செய்கிறாள் தாய்..

4/17/17

ஈஸ்டர் ...அன்றும் இன்றும்

ஈஸ்டர் ... 



                                                                                 



                        நாங்கள் 10 வயதில் கொண்டாடிய ஈஸ்டருக்கும் பல வருடங்கள் கழித்து  எங்கள் மகளின்  பதின்மத்தில் கொண்டாடும் ஈஸ்டருக்கும் தான் எத்தனை வித்தியாசம் !! நாங்கள் பள்ளி படிக்கும்போது எங்க பகுதி பேக்கரிகளில் ஹாட் க்ராஸ் பன் பெரிய வெள்ளியன்று விற்பனையாகும் அன்று ஆலயத்தில் காலை 11 முதல் பிற்பகல் 3 வரை ஆராதனை  நடக்கும் ஆராதனை  முடிந்ததும்

4/10/17

வசூல் ராஜா MBBS கட்டிப்புடி வைத்தியம் :)

Free Hugs / கட்டிப்புடி வைத்தியம் :)

                                                                           



                        நம்ம மக்களுக்கு அன்பு காட்ட நேரமே இல்லாமப்போனதால்தான் உலகத்தில இருக்கவே கூடாத மன   உளைச்சல்கள் வெறுப்பு கோபம் ,சண்டை ,சச்சரவு  , பொறாமை ,மன அழற்சி இன்னும் பற்பல நோய்கள் எல்லாம் கணக்கிலடங்காம குப்பைகளாக நிரம்பி குமிந்துள்ளன ..சந்தோஷமான ஆழ்மனதில் இருந்து வரும் சிரிப்பும் அன்பான அரவணைப்பும் இந்த வேண்டா நோய்களை  மனுஷரிடமிருந்து தூர விரட்டுமென்று ஆராய்ச்சியாளர்கள் கூறுகிறார்கள்

4/8/17

லண்டன் ஸ்டைல் அவியல் :)

லண்டன் ஸ்டைல் அவியல் :)
--------------------------------------------------

                                                                  எங்கள் பிளாக்கில் என் சமையல் குறிப்பு வெளியானதில் இருந்து எனக்குள் ஒரு ஸ்பார்க் தீப்பொறி பற்றி எரிகிறது ..http://engalblog.blogspot.com/2017/04/blog-post_3.html

அது இப்போ விதவிதமா சமைத்து வலைப்பதிவில் போட்டு உங்களுக்கெல்லாம் நல்லது செய்யணும்னு மனசு துடிக்குது :) நேற்று கூட முருங்கையிலை சாம்பார் முருங்கையிலை சூப் பொரியல் எல்லாம் செய்தென் ஆனா படம் எடுக்காததால் இங்கே போட முடியலை ..அடுத்தது உலக முழுதும் இருந்து பார்வையாளர்கள் என்னுடைய சமீபத்திய புடலங்காய் பாசிப்பருப்பு கூட்டையும் முருங்கை ரசத்தையும் மீண்டும் மீண்டும் வந்து ரசிக்கிறாங்க ..அவங்க விருப்பத்திற்கிணங்கி வாரம் ஒரு சமையல் குறிப்பை வழங்க இருக்கிறேன் .

4/6/17

நேர்காணல்/ நேர்முகத்தேர்வு ...ஒரு ஃப்ளாஷ்பேக் ..




நேர்காணல் ஒரு ஃப்ளாஷ்பேக்  ..


                                                                              



                       சில வருடம் முன்பு   லண்டனில் ஒரு  ரெஸ்டாரண்டில் மதிய உணவு சாப்பிடும்போது அங்குள்ள தொலைக்காட்சியில் எதோ ஒரு தமிழ் திரைப்படம் ஒளிபரப்பாகிக்கொண்டிருந்தது .பெயர் தெரியவில்லை ..அதில்  கதாநாயகன் ப்ரிலிமினரி முடிந்து  IAS இன்டெர்வியூவுக்கு செல்கிறார் ..நேர்காணலின்போது அதிகாரி ஒரு பேனாவை வேண்டுமென்றே கீழே போட்டுவிட்டு இன்டெர்வியூ வந்த கதாநாயகனை அந்த பேனாவை  எடுக்க சொல்வார்

4/1/17

ரசித்து ருசித்த சமையல் குறிப்புகள் ,புடலங்காய் பாசிப்பருப்பு கூட்டு ,முருங்கைக்காய் ரசம்



                                இன்றைக்கு நான் சமையல் பற்றி பேசலாம்னு இருக்கிறேன் :) அப்படியே எல்லாரும் தரையில் பாய் போட்டிருக்கேன்அதில்  உட்கார்ந்துக்கோங்க :)  .உக்காரும்போது அதிராவை ஓரத்தில் விட வேண்டாம் ..ஹெவி வெயிட்டுக்கு ஒரு பக்கமா போயிடும் கார்ப்பெட் பாய் அதனால் அதிராவை  நடுவில் உட்காரவைச்சிட்டு சுற்றி எல்லாரும் அமரவும்   .

இப்போ இந்த மந்திரப்பாய் உங்களை சில வருடங்கள் பின்னோக்கி அழைத்து செல்லப்போகிறது ..


                                                                                

அது விர்ரென பறந்து இறங்கிய இடம் ..சென்னையில் ஒரு வீடு ,நன்கு விழாக்கோலம் பூண்டுள்ளது வீட்டின் முன்னே வாழைமரம் நட்டு வர்ணமடித்து  வண்ண விளக்குகள் ஒளிர்கின்றன

3/27/17

ஐ போனும் இக்கால பிள்ளைகளும் சிரி :)

 சிரி  :)    Siri.. எனும் மெய் நிகர் உதவியாளர் ..
--------------------------------------------------------------------------------

இது கடந்த வாரம் எங்க லண்டனில்  நடந்த உண்மை சம்பவம் .லண்டன் க்ரோயிடன் பகுதியில் உள்ள ஒரு வீட்டிலிருந்து அவசர தொலைபேசி  இலக்கத்திற்கு  நான்கு  வயது சிறுவன் ஒருவன் அழைத்திருக்கிறான் .சிறுவன் பெயர் ரோமன் ..அதிகாரிக்கும் அவனுக்கும் நடைபெற்ற உரையாடல் காணொளியாக சுட்டி இணைத்துள்ளேன் .

3/23/17

டியூஷன் கலாச்சாரமும் ஆசிய பெற்றோரும் ..

பயிற்சி வகுப்புகள் /ஸ்பெஷல் டியூஷன் வகுப்புகள் ..அவசியமா ?
====================================================================

 நான் நடந்து வரும் வழியில்  வீட்டருகே கொஞ்சம் தள்ளி மெயின் ரோட்டில் ஒரு கட்டிடம் காலியாக இருந்தது திடீரென ஒரு நாள் அதற்கு  மேக்கப் எல்லாம் போட்டு புது ஆடை (banner ) அணிவிக்கப்பட்டு இருந்தது ..//ஸ்டார்டிங் ஸூன் //ஸ்மார்ட் கிட்ஸ் அகெடமி ..//என்ற பெயருடன் ..

3/21/17

களி மண் விதை உருண்டை /Seed Dumplings


       லேபிள்ஸ் எடிட் செய்யும்போது தவறுதலாக இந்த பதிவு மேலே  வந்துவிட்டது .எனக்கு பழைய தேதிக்கு மாற்ற  இயலவில்லை        ..அழித்தால் ஒரு பதிவு குறையும் இதுவரை 274 பதிவுகள் ..இன்னும் 26 அடிகள் வைத்தால் 300..
இது 2014 ஆம் ஆண்டு ஜூலை மாதம் எழுதிய பதிவு ..நான்  வெளிநாட்டு நாளிதழ் ஒன்றில் வந்த செய்தியை மையப்படுத்தி படங்களில் தமிழில் எழுதி பசுமைவிடியலில் பதிவிட்டிருந்தேன் ..அப்போதே 400 ஷேர்ஸ் போனது ஒரு வலைத்தளம் அவங்க பெயர் போட்டு வெளியிட்டு கொண்டார்கள் எல்லாம் ஏதொ நம்மால் நல்லது    நடந்தால் சரி என்பதைப்போல சமீபத்தில் இதே விதைப்பந்து பற்றி ஹிந்துநாளிதழில் மிக அருமையாக ஒரு செய்தி வந்துள்ளது ..அதையும் இங்கு இணைத்துள்ளேன் ..

நட்பு


நட்பு 
=====
கெய்லியும் அவளது உற்ற நட்பு வாத்தும் ,கிம் கர்தாஷியனுக்கு கடிதம் ,பிரபு எனது மியாவ் நட்பு .


இந்த காணொளி யூ டியூபில் வேறெதையோ தேடும்போது கண்ணில் பட்டது .
இது ஒரு டேலன்ட் ஷோவில் பதிவானது ..ஒரு 5 வயது சிறு பெண்ணும் அவளது பெஸ்ட் நட்பு வாத்தும் பற்றிய காணொளி

3/16/17

மின்தூக்கி ..சில நினைவுகள்

மின்தூக்கி ..சில நினைவுகள் 
---------------------------------------------------


                                                                  இந்த மின்தூக்கியை சின்ன வயதில் ஏதாவது திரைப்படங்களில் ஹோட்டல் ஸீன் அப்புறம் வெளிநாட்டு படக்காட்சிகளில் மட்டுமே பார்த்திருக்கேன் ..அதெப்படி ஒரு பெட்டி முழுதுமாக மூடி அப்படியே மேலே தூக்கிட்டு போகுதுன்னு சின்ன வயசில் யோசிச்சிருக்கேன் ..பிறகு நான்  நேரில் முதல்முதலில் பார்த்த மின்தூக்கி மற்றும் எஸ்கலேட்டர்ஸ் ஸ்பென்சர்ப்லாஸாவில் .

3/14/17

Loud Speaker .45.மகிழ்ச்சி அப்டேட் ,நானும் முகப்புத்தகமும் , ஸ்டாம்ப் சேகரிப்பு . ஒரு நாலு கால் செல்லம் நியூஸ் ..Magic

இன்றைய செய்திகள் மற்றும் துணுக்கில் முதலில்  மகிழ்ச்சி அப்டேட் ,நானும் முகப்புத்தகமும் ,மகளின்  ஸ்டாம்ப் சேகரிப்பு  .
ஒரு நாலு கால் செல்லம் நியூஸ் ..Magic 

3/10/17

எள் உருண்டையும் எங்க (டமில் ) தமிழ் நாடும் ,Quilling

எங்க மகளின் வயலின் டீச்சரோட மகனுக்கு ஒரு வயதாகிறது இது அவனுக்கு செய்த வாழ்த்து அட்டை ..
                                                                              Baby Giraffe     

3/3/17

மகிழ்ச்சி


Christine 
=======

                                                                                       

                                                      

நான் ரொம்ப்ப்ப  சந்தோஷமா இருக்கேன் இது அவசர அவசரமா எழுதிய பதிவு ..சந்தோஷத்தை உடனே பகிர்ந்துக்கணும்னு பெரியவங்க சொல்லியிருக்காங்க :)

3/2/17

பார்வைகளும் எண்ணங்களும் பலவிதம் ..Nail polish toxic trio,



பார்வைகள் பலவிதம் 
=======================

இந்த படத்தில் தெரிவது என்ன ?  
                                                                                     

                                                                                


நாம் அனைவருமே மனிதர்கள் தான் ஆனால் அனைவருமே ஒரே மாதிரி சிந்திப்பதும் செயல்படுவதுமில்லை .எனக்கு சரி எனப்படுவது வேறொருவருக்கு  தவறாகப்படும் ..அதற்காக நான் சொன்னது தான் சரி எனது முடிவே இறுதி தீர்ப்பு என நான் அடம் பிடிக்க முடியாது :)  .. ..ஆங்கில வார்த்தைகளில் ஒரே வார்த்தைக்கு பல மீனிங் வரும்..சில வார்த்தைகள் ஒரே ஸ்பெல்லிங் இருந்தாலும் அர்த்தம் வேறுபடும்

2/27/17

Loud Speaker ...44.ஆல்பர்ட் தாத்தா ,டிம் பிராட்பரி ,நாடியா செய்த சாய்ந்த கேக் :) கால்பந்து விளையாடும் தேனீ


இன்றைய பதிவில் ஆல்பர்ட் தாத்தா ,டிம் பிராட்பரி ,நாடியா செய்த சாய்ந்த கேக் :) கால்பந்து விளையாடும் தேனீ 

இது எங்க வீட்டு மலர் :)





நான் பெரும்பாலும் படங்கள் பார்ப்பதில்லை ..ஆனால் குறிப்பிட்ட கதா பாத்திரங்கள் பற்றி  சர்ச்சை அல்லது பாராட்டு ஏதேனும் கிளம்பினால் .. உடனே படத்தை பார்த்து விடுவேன் அப்படி பார்த்தது மெட்ராஸ் படம் அதில் வரும் ஜானி காரக்டருக்காக .

2/23/17

குழந்தை மனசு ..Joy

குழந்தை மனசு ..Joy 
=====================




லூயிஸ் 
========
எங்க ஆலயத்தின் பாடகர் குழு மாஸ்டரின் மகன் ..தந்தை வெஸ்ட் இண்டீஸ் தாய் பிரித்தானியர் இவர்களுக்கு பிறந்த 5 வது மகன் ..இவனுக்கு இப்போ 4 வயது ..நல்ல கொழுக் மொழுக் பாப்பா ..

2/21/17

மியாவ் ஸ்பெஷல் :)

இன்று மியாவ்  பிறந்த நாள் ஸ்பெஷல் :)






கேக் எடுத்துக்கோங்க :)               பிறந்த நாள் பேபி யார்னு தெரிஞ்சிருக்கும் ..கொஞ்சம் முதலில் அவரது புகழை பாடுகின்றேன் :)

2/17/17

பச்சை சொக்காவும் மஞ்சள் சொக்காவும் ..பார்ட் ..2

பச்சை சட்டையும்  மஞ்சள் சட்டையும்    ..பார்ட் ..2

=========================================================


போன வருஷம் ஒரு பதிவு போட்டேன் அதன் லிங்க் கீழே தருகிறேன் ..அதில் ரெண்டு குட்டி பொண்ணுங்களைப்பற்றி சொல்லி நான்  யாருனு கேட்டிருந்தேன்..இந்த முறை ஒரு பொண்ணு பற்றி சொல்லப்போறேன்.. 





உறவினர் ஒருவரது வீட்டில் காந்தாரி வெள்ளை மிளகாய் செடி ஒன்று தொட்டியில் வளர்ந்து வந்தது அந்த உறவினர் தோட்டத்தை   மிக அழகாக பராமரித்து வந்தார் தோட்டத்தில் ரோஜாக்களும் க்ரோட்டன்ஸ்சும் நிறைய இருந்தாலும் அந்த சிறுமிக்கு அந்த வெள்ளை நிற காந்தாரி மிளகாய் செடி மீது ஆச்சர்யம் .

2/15/17

எனது கைப்பேசியில் சிறைப்பிடித்தவை :) flowers butterfly nature,

எனது கைப்பேசியில் சிறைப்பிடித்தவை :)

என்னுடைய டாப்லெட் போன் எல்லாவற்றிலும்  எக்கச்சக்கமான படங்களை அடைத்து  வைத்துள்ளேன் அவற்றில் சில உங்கள் பார்வைக்கு ...

2/13/17

Loud speaker ..43 ...முகநூல் பகிர்வுகள் ..Lätare-Fest ..in Germany, quilling legend of st.egwin,



இன்றைய ஒலிபெருக்கியில் ஜோஹன்னா ,Lätare-Fest ஜெர்மனியின் ஸ்ப்ரிங் சீசன் வரவேற்கும் கொண்டாட்டம் ,மற்றும் A Legend Of St .Egwin 

2/3/17

Loud Speaker ...42... surrealism and art


இன்றைய ஒலிபெருக்கியில்  Surrealism art மற்றும் மகளின்  ஓவியங்கள்



அதுக்கு முன்னாடி ஒரு சந்தோஷ பகிர்வு எங்கமஹி  அருணுக்கு அழகான குட்டிப்பாப்பா பிறந்திருக்கு ..அவங்க பிளாக் இங்கே  ,

http://mahikitchen.blogspot.co.uk/2017/02/blog-post.html

1/31/17

உள்ளுணர்வு மற்றும் கனவு ...2



உள்ளுணர்வு  மற்றும் கனவு ...முதல் பகுதி தொடர்ச்சி 






Intuitive feeling

---------------------

ஸ்ரீராம் எங்கள்  பிளாக் கேட்டு வாங்கி போடும் கதை பகுதிக்கு கதை கேட்டிருந்தார் நான்  இரண்டு கதைகள் எழுதினேன் ஒன்று மல்ட்டி கதை மற்றொன்று  ectopic pregnancy எனும் கருக்குழாய் கர்ப்பம் பற்றிய ஒருவரது உண்மை சம்பவம் ..சில முக்கிய குறிப்புகள் மருத்துவ குறிப்புகள் சேர்த்து குழந்தை வரம் எனும் தலைப்பில் எழுதினேன்

உள்ளுணர்வு மற்றும் கனவு ...1


ஒவ்வொருவருக்கும் ஏதோ ஒரு உள்ளுணர்வு அவங்க கூடவே வாழ்ந்து கொண்டிருக்கும் .சிலர் அது அவர்களை வழிநடத்துவதை உடன்  இருப்பதே அறியாமல் வாழ்நாளை நகர்த்துவார்கள் .உள்ளுணர்வை புரிந்து கொண்டவர்களுக்கு அது ஒருவிதமான பகுப்பாய்வு .
சாலையில் நடந்து செல்லும்போது எந்த திசையில் சாலை கிளை சாலையாக பிரிகிறது என்று நமக்கு தெரியாது ஆனால் நமது உள்ளுணர்வு நம்மை சரியான வழியை நோக்கி நடத்தி செல்லும் .


உண்ணும்உ ணவுகளை கட்டுப்படுத்தி உடலை கட்டுப்பாட்டுக்குள் வைக்க தெரிந்த நாம் நமது உள்ளுணர்வுகளை மதிக்கிறோமா இல்லை பொருட்படுத்துகிறோமா  என்பது பலருக்கு புரியாத விஷயம் ..

1/30/17

ஒரு ஸ்பெஷல் பதிவு ..நட்புக்காக

அதிராவுக்கு அறிமுகம் தேவையில்லை :)




இந்த ஸ்வீட் 61 மியாவ் பதிவுலகில் அடியெடுத்து நான்கு கால்களால் நடந்தும் குதித்தும் 9 வருடங்கள் ஆகிறதாம் ..கடந்த 9 ஆண்டுகளாக எங்களை கீறி பிராண்டி எடுத்ததற்கு மற்றும் 200 வது பதிவிற்கும் இனிய வாழ்த்துக்கள் மியாவ் :)

1/24/17

Loud Speaker ...41..

இன்றைய ஒலிபெருக்கியில் :)
===============================

பேலியோ சில குறிப்புகள்,மன அழுத்தம் ,கோபத்தை கட்டுப்படுத்தும் அறை ..rage room ,நான் தோசை செய்முறை சொல்லித்தந்தபோது :) 
ராஜ்கிரா முறுக்கு , ,வீகன் வல்லாரை ஸ்மூத்தி ..மற்றும் கம்பரின் உள்ளுணர்வு 

1/17/17

சில மனிதர்களும் நாலு கால் நட்புக்களும் நானும் ...(2)

சில மனிதர்களும் நாலு கால் நட்புக்களும் நானும் ...(2)
                                                                      


அமீர் 
======
அமீர் எங்கள் மகளின் பிரைமரி பள்ளியில் படித்த ஒரு சிறுவன் நர்சரி வகுப்பு .நான்  பள்ளி விட்டு மகளை அழைத்து வரும்போது அவனது தந்தையுடன் செல்வதை பார்த்திருக்கிறேன் சிறு புன்னகை அவ்வளவே ..ஒரு நாள் அவனது அப்பா அரட்டை கச்சேரியில் நண்பர்களுடன் ஆழ்ந்துவிட ..மகனை மறந்து விட்டார்

1/12/17

சில மனிதர்களும் நாலு கால் நட்புகளும் நானும் ,,மார்லீ ,லின்


 அன்றாடம் பலவகையான மனிதர்களை சந்திக்கிறேன் ..மனிதர்கள் மட்டுமில்லை நாலு கால் ஜீவராசிகளையும்தான் தினமும் சந்திக்கிறேன் அப்படி சந்தித்து மனதில் நீங்கா இடம் பிடித்த சிலர் பற்றிய பதிவு இது ..
வாலண்டியரிங் செல்வதால் பல்வேறு மன நிலையிலுள்ள மனிதர்களுடன் பழகும் வாய்ப்பு எனக்குண்டு .. .மேலும் ஆலயத்திலும் பல்வேறு மனிதர்களை சந்திப்பதால் அவர்களும் இப்பதிவுகளில் இடம் பெறுவர் ..

லின் 
---------

எங்கள் ஆலயத்துக்கு 3 வருஷமா வருகிறார் லின் ..பிரிட்டிஷ் பெண்மணி 50 வயதிருக்கும் ..அவருக்கு அவரது தந்தை 12 வயது முதல் குடிப்பழக்கத்தை ஏற்படுத்தி அதற்கு அடிமையாகி அதனால் பல அவதி பட்டு பிறகு இப்போ ட்ரீட்மெண்ட் எடுத்து சுகமாகி வந்துட்டார் கடந்த 3 ஆண்டுகள் குடியை தொடவில்லை ..குடிப்பழக்கம் மற்றும் அதில் இருந்து விடுபட எடுத்த சிகிச்சை மருந்துகள் அவரை பாடாய் படுத்தி விட்டது .. வித்ட்ராயல் சிம்ப்டம்ஸால் முன்பு அடிக்கடி வலிப்பு வரும் ..ஆரம்ப காலத்தில் அவருக்கு குட் மார்னிங் சொன்னா முறைப்பார் ,,மருந்துகளின் வீரியம் தான் காரணம் ..எதையும் கண்டால் கோபப்பட்டு அடிப்பாராம் ..இப் போதெல்லாம் நல்ல மாற்றம் அளவுக்கதிகமா சந்தோஷமா இருக்கார் ..அரசாங்கம் அவருக்கு தனி வீடு கொடுத்திருக்கு அவ்வப்போது SEIZURES வரும் முன்பு இப்போ அப்படி இல்லை மிக சந்தோஷமாக இருக்கார் ..இது அவர் ஆலயத்தில் அனைவருக்கும் கொடுத்த கிறிஸ்துமஸ் வாழ்த்து மடல் ....அவர் வீட்டருகே ஒரூ பூனையை யாரோ விட்டு சென்று விட அதை எடுத்து வளர்க்கிறார் .அந்த பூனைக்கு ஒரு கண் தான் தெரியுமாம் ,,ஆனால் இவருடன் மிக அன்பாக இருக்காம் ..வாழ்த்துமடலில் பூனை எழுதுவதை போல அவர் எழுதியிருக்கார் .






வலிப்பு வந்தப்போ ஒருமுறை அவர் அருகில் இருந்தேன் .வாழ்க்கையில் வலிப்பு வந்த ஒருவர்  கிட்ட இருந்து அவர் பட்ட கஷ்டத்தை முதல் முறையா பார்த்தேன் மனசே நொறுங்கிப்போச்சு அவர் உடையெல்லாம் விலகி அந்த நிலையிலும் கைகளால் டி ஷர்டை இழுத்து விட்டார் பாவமா போச்சு நான் போட்டிருந்த சம்மர் ஜாக்கெட்டை போட்டு விட்டேன் அவர்  மீது ,எனக்கு  பல நாள் தூக்கம் போச்சு அவரை அப்படி பார்த்ததில் ,,இப்படியெல்லாம் கூட மனிதர்களுக்கு துன்பம் வருமா என்று வருந்தினேன் ..


ஒரு முறை பிரசங்க நேரம் வலிப்பு வந்து பிரசங்கம் தடை ஏற்பட்டது ..ஆம்புலன்ஸ் வரவழைக்கப்பட்டது  எழும்பி ஆம்புலன்ஸ் இல் போகுமுன் பாதிரியாரிடம் தன்னால் ஏற்பட்ட தடங்கலுக்கு அந்நிலையிலும் நடந்து சென்று மன்னிப்பு கேட்டார் அவர்  ..தன்னிலையில் இல்லை ஆனாலும் தன்னால் ஒரு தடை ஏற்பட்டதே என்ற வருத்தம் அவருக்கு ..அதை பார்த்ததில் அழுகை வந்து விட்டது ..இப்போது தொடர்ந்து ஆலயம் வருகிறார் ..

தன்னாலான உதவிகளை அனைவருக்கும்செய்கிறார் ..

மார்லீ 
=======

மார்லீ  பற்றி கேட்டு வாங்கி போடும் கதை முன்னுரையில்  ஏற்கனவே சொல்லியிருந்தேன் 
மார்லீ  staffordshire bull terrier வகை நாலு கால் ஜீவன் ..
தற்போதைய உரிமையாளர் அதை அதன் முன்னாள் உரிமையாளர்களிடமிருந்து காப்பாற்றி வளர்க்கிறார் .முன்னாள் உரிமையாளர்கள் மார்லீயை மிகவும் துன்புறுத்தி இருந்தார்களாம் .அதனால் எதற்கெடுத்தாலும் பயப்படுமாம் பாவம் ..
மார்லீயையும் இப்போதைய wild life rescue டீமை சேர்ந்த Mr .ஜார்ஜையும் தினமும் canal வழியே நடக்கும்போது சந்திப்பேன் .. தூரத்தில் நான் நடந்து வருவது தெரிந்தாலும் மார்லீ மிஸ்டர் ஜார்ஜிடம் வாலையும் தலையையும் ஆட்டி அலெர்ட் செய்யும் என்று அவர் சொல்வார் ..நம்மையும் நினைவுகூருகிறதே ஒரு ஜீவன் என்று ஆச்சர்யமாகிப்போனது எனக்கு :)

இந்த canal வழியாதான் வாக்கிங் போவேன் 

தூரத்தில் தெரிவது மார்லீயும் அதன் ஓனரும் ..



கிறிஸ்துமஸ் விடுமுறை முடிந்து சில நாட்கள் அவர்களை பார்க்க முடியவில்லை ஒரு வாரம் விடுமுறைக்கு பின்  மீண்டும் வாக்கிங் செல்லும்போது தூரத்தில் ஒரு சிறு கருப்பு உருவம் என்னை பார்த்து ஓடி வந்தது :)
மார்லீதான் ..கன்னத்தில் ஒரு இச் கட்டிப்பிடித்து அன்பு மழை பொழிந்தது :)  ஜார்ஜுக்கே ஆச்சர்யம் இந்த மார்லீ ரொம்ப பிடிச்சவங்களோடுதான் இப்படி பழகுமாம் ..கொஞ்சம் நேரம் ஊர் கதை பேசியபின் ஜார்ஜ் ..ஓகே ஏஞ்சலின் இனிய புத்தாண்டு வாழ்த்துக்கள் மீண்டும் சந்திப்போம்னு சொல்லிவிட்டு ரெண்டு எட்டு நடந்தவுடன் மார்லீ மீண்டும் என்னை நோக்கி வந்து இரு கைகளால் (முன்னங்கால்கள் )என் கைகளை பிடித்து எதோ சொல்லிவிட்டு மீண்டும் ஜார்ஜை நோக்கி ஓடியது ..
எனக்கு ஹாப்பி நியூ இயர் சொல்லியிருக்கும்னு நினைக்கிறேன் :)


அடுத்த பதிவில் கிட்டுவும் லியனார்டோவும் பற்றி எழுதுகின்றேன் .


1/9/17

முகப்புத்தக ஸ்டேட்டஸ் ..CCTV :)

                                                   
 நம்ம சென்னையில் பேருந்துகளில் பயணம் என்பது மிக கடினம் ..எப்பவும் பிதுங்கி வழியும் கூட்டமா இருக்கும் ..அதற்காகவே ட்ரெயினில் போவேன் ..எனக்கு ட்ரெயின்ல போக பயமில்லை

1/3/17

ராஜ்கிரா தோசை ,ராஜ்கிரா ஆலூ டிக்கி

அனைவருக்கும் இனிய ஆங்கில புத்தாண்டு வாழ்த்துக்கள் .
புது வருஷத்தில் சமையல் குறிப்போடு ஆரம்பிக்கிறேன் :)


க்ளூட்டன் அலர்ஜி இருப்பவர்களுக்கு இது உகந்தது ..

சென்னையில் கிடைக்குமிடம் 
இந்த சுட்டியில் இருக்கிறது 

http://dhanyam.in/category?path=23
http://dhanyam.in/contact





Gluten Free Rajgira Dosa , Rajgira Aloo Tikki ,Rajgira Mixed Vegetables Tikki 
Instant Gluten Free Dosai ,உடனடி தங்க தோசை 
======================================
ராஜ்கிரா ,ஆளி விதை ,க்ளூட்டன் இல்லா மாவு மற்றும் க்ளூட்டன் இல்லா ஓட்ஸ் சேர்த்து செய்த தோசை ..
ராஜ்கிரா ..Amaranth ,ஆளி விதை ...Golden Flax Seed 

இதில் ராஜ்கிரா என்பது வேறொன்றுமில்லை தண்டுக்கீரை முளைக்கீரை விதைகள் தான் ;முற்ற விட்டு அதை சேமித்து மாவாக அரைத்து பயன்படுத்துகிறார்கள் ..

வட இந்தியர்கள் நவராத்திரி விரத நாட்களில் இந்த ராஜ்கிரா சேர்த்த உணவுகளை அதிகம் சேர்க்கிறார்கள் ..இந்த ராஜ்கிராவை ..ராம்தானா தங்கம் என்றே இங்கு அழைக்கிறார்கள் ..

க்ளூட்டன் அலர்ஜி இருப்பவர்கள் கோதுமை மற்றும் சில உணவுகளை சேர்க்க முடியாதவங்க .இந்த தங்க தோசையை உடனே செய்து சாப்பிடலாம் ..

தேவையான பொருட்கள் 
======================

ராஜ்கிரா /amaranth grains .....1/4 கோப்பை 
இந்த ராஜ்கிரா மாவாகவும் கிடைக்கும் .நான் பயன்படுத்தியது முழு ராஜ்கிரா 

ஆளிவிதை ............ஒரு ஸ்பூன் .
சும்மா கையளவு சிறிது சேர்த்தால் போதும் 

க்ளூட்டன் இல்லா ஓட்ஸ் .....ஒரு ஸ்பூன் 

அரிசி மாவு ......இரண்டு ஸ்பூன் ..

(நான் க்ளூட்டன் இல்லா மாவு ஒரு ஸ்பூன் சேர்த்து செய்தென் )
முதலில் ராஜ்கிரா மற்றும் ஆளிவிதைகளை மிக்சியில் நன்கு பவுடராக்கி கொள்ளவும் பிறகு அவற்றுடன் ஓட்ஸையும் சேர்த்து நன்கு அரைக்கவும் .
ஒரு பாத்திரத்தில் ஒரு ஸ்பூன் தயிர் கொஞ்சம் தண்ணீர் சேர்த்து அடித்து வைக்கவும் 
அதில் பொடியாக அரைத்த மாவு மற்றும் அரிசி மாவு உப்பு சேர்த்து கலக்கவும் ..
தோசைக்கல்லை சூடாக்கி உடனே தோசையாக வார்த்து சாப்பிடலாம் .
நான் சொன்ன அளவில் 8 தோசைகள் வரும் ..
இந்த தோசையுடன் நான் உளுந்து சேர்க்காத பீர்க்கங்காய் தோல்மற்றும் தேங்காய் காய்ந்த மிளகாய் புளி சேர்த்தரைத்த துவையல் தொட்டு சாப்பிட்டேன் .

இதோட 

இந்த கரைத்த மாவு கலவையில் singoda எனும் water chestnut மாவையும் ஒரு கரண்டி சேர்க்கலாம் மற்றும் buckwheat எனும் kuttu ஆட்டா /பாப்பாரை சேர்த்து அரைக்கலாம் .அதிக மொறுமொறுப்பாக வரும் ..ஆனால் டயட் இருப்பவர்களுக்கு சிங்கோடா தவிர்த்தல் நல்லது ..சிங்கோடாவில் அதிக கார்போஹைட்ரேட் இருப்பதால் எடையை கூட்டிவிடும் ..

இதே கலவையில் கேழ்வரகு மாவு ,தினை மாவு கூட சேர்க்கலாம் .

முக்கிய குறிப்பு ஆளிவிதை ஜெல்லி போலாகும் தன்மையுடையது அதனால் கரைத்தவுடன் உடனே தோசை சுட வேண்டும் .

===================================================
ராஜ்கிரா ஆலூ டிக்கி aka உருளை கட்லட் 
============================================

வெங்காயம் பச்சை மிளகாய்,சிறிது இஞ்சி .கொத்த மல்லி தழை மெலிதாக அறிந்து ஒரு தேக்கரண்டி எண்ணெய்யில் வதக்கி உப்பு சிறிது சேர்த்து அத்துடன் வேகவைத்த மசித்த உருளைக்கிழங்கு மற்றும் பொடித்த மிளகுத்தூள் சேர்த்து பிசிறி வைத்தேன் .
1/2 கோப்பை ராஜ்கிரா விதைகளை மிக்சியில் அரைத்து பவுடராக்கி அதனை வெறும் வாணலியில் லேசாக வறுத்து கிழங்கு / மிக்ஸ்ட் வெஜிடபிள் கலவையில் பிரட்டி கையில் வடைகளாக தட்டி தோசைக்கல்லில் போட்டு இரு பக்கமும் திருப்பி சுட வேண்டும் .
இந்த முறையில் முட்டை சேர்க்க வேண்டாம் rajgira கலவையை எந்த வடிவிலும் தட்ட உடையாமல் வரும் .எண்ணெய் கொஞ்சமாக தேக்கரண்டி அளவு சேர்த்து இருபக்கமும் திருப்பி பொரித்தால் போதும் .
நன்கு மொறு மொறுவென இருக்கும் ருசியும் அபாரம் .


(இது ஏற்கனவே முகப்புத்தகத்தில் போட்ட பதிவுதான்) 
 எங்கள் பிளாக் ஸ்ரீராம் என்னிடம் சமையல் குறிப்பு கேட்டு மெயில் அனுப்பின மாதிரி ஒரு கனவு வந்தது கொஞ்சம் ஓவர் confidence தான் எனக்கு ..ஆனாலும் எதற்கும் தயாராவே இருப்போம்னு உடனே தயார் செய்து போட்டோவெல்லாம் எடுத்து ரெடியா வச்சேன் ..ஓரிரு நாளில் இன்பாக்சில் ஸ்ரீராம் மெசேஜ் !!!  கேட்டு வாங்கி போடும் பகுதிக்கு கதை எழுதுமாறு ..
..இந்த உள்ளுணர்வு கனவு பற்றி ஒரு பதிவு விரிவா  எழுத இருக்கிறேன் ...


தொடர்ந்து சந்திப்போம் ..