அடுத்து வரவிருக்கும் பதிவுகள் ...கினொவா தோசை , வெந்தயக்கீரை சாம்பார் ...பஞ்சாபி சமோசா !!!!

மீண்டும் சந்திப்போம்................அடுத்து வரவிருக்கும் பதிவுகள் ...கினொவா தோசை,Ragada Patties ,தட்டு தோசை , வெந்தயக்கீரை சாம்பார் . . !!!!cheese பராத்தாஸ் அனியன் cheese பராத்தாஸ் ,காரட் லெமன் பருப்பு ..!!!

1/28/16

Hybrid கலப்பின வீரிய விதைகளும் பாரம்பரிய நாட்டுரக விதைகளும் ..ஒரு சிறு கண்ணோட்டம்


 இரண்டு நாட்களாக முகபுத்தகம் முழுதும் இந்த ஹைப்ரிட் (hybrid ) விதைகளை தமிழ்நாட்டு தோட்ட மையம் மக்களுக்கு பாதிவிலையில் கடந்த சனி ஞாயிறு அன்று விற்பனை செய்தது பற்றிய சூடான விவாதங்களும் பதிவுகளுமாக வலம் வந்தன .
அந்த பதிவு இங்கே 
https://www.facebook.com/permalink.php?story_fbid=1752552218313417&id=100006759676762
ஒரு சிறு தீக்குச்சியின் பொறி !பற்றவைத்தது ஸ்ரீஜா என்பவர் அவர் பதிவை நந்தன் சிறீதரன் பகிர்ந்து 
பின்பு விகடன் என்று இந்த கலப்பின உயர்ரக இன்டோ அமெரிக்க கூட்டுறவு விதைகளை பற்றிய பல விவரங்களை எப்படி இந்த ஹைப்ரிட் விதைகள்  நம் நாட்டில் நுழைந்து காலூன்றின என கொஞ்சம் நானும் என் பங்கிற்கு பசுமை விடியலில் எழுதினேன் ..


பதிவிற்கு போகுமுன் ..இந்த விதைகள் GMO விதைகள் அல்ல ஆனால் கலப்பின உயர்ரக வகை THIRAM என்ற இரசாயன பூஞ்சைகொல்லியால் ட்ரீட்மென்ட் செய்யப்பட்ட HYBRID  விதைகள் ..இயற்கையை  நாம் வாழும் சூழலை பாதுகாக்க விரும்புவோர் நிச்சயம் சூழலுக்கு பங்கம் விளைவிக்கும் நச்சு பொருளை விதைகளுக்கு பூஞ்சை கொல்லியாக பயன்படுத்த மாட்டார்கள் .கோதுமை சோளம் சோயா ஆகியவற்றில் கிளைபாசெட் பூச்சிகொல்லி ஏற்கனவே ஊடுருவி மக்களுக்கு பல தோல் நோய்களை உண்டாக்கியுள்ளது ..
அந்தTHIRAM  பூஞ்சைகொல்லி யின் குணநலன்கள் இவை //
Description: A multi-use carbamate fungicide which is also used as a mammal repellent. Also pesticide transformation product.

Example pests controlled: As a fungicide: Seed decay; Seedling blight; Damping-off; Kernal smut; Smuts; Bunts. As a repellent: Rabbits; Deer

Example applications: Cereals including barley, millet, oats, rye, triticale; Beans and peas; Brassicas; Beet crops; Aubergines; Flax; Onions; Soybean; Sunflowers; Tomatoes



NOTE! AVOID ALL CONTACT! AVOID EXPOSURE OF (PREGNANT) WOMEN!
Route of Exposure
Symptoms
First Aid
Inhalation Confusion. Cough. Dizziness. Headache. Sore throat. Fresh air rest. Refer for medical attention.
Skin Redness. Remove contaminated clothes. Rinse and then wash skin with water and soap.
Eyes Redness. Pain. First rinse with plenty of water for several minutes (remove contact lenses if easily possible) then take to a doctor.
Ingestion (See Inhalation). Rinse mouth. Refer for medical attention.
Notes for ICSC Information
Physical properties reported in literature are inconsistent. Use of alcoholic beverages enhances the harmful effect. If the substance is formulated with solvent(s) also consult the card(s) (ICSC) of the solvent(s). Carrier solvents used in commercial formulations may change physical and toxicological properties.
Symptoms of Thiram Exposure from Other Sources
- Irritation of skin, eyes, respiratory tract and mucous membranes.
- Contact dermatitis and sensitization.
- At high doses, hyperactivity, ataxia, loss of muscle tone, dyspnea, and convulsions. 
- Predisposition to Antabuse reactions if alcohol is ingested.

இப்போ பதிவிற்குள் செல்வோம்..

Hybrid கலப்பின வீரிய விதைகளும் பாரம்பரிய நாட்டுரக 
விதைகளும் ..ஒரு சிறு கண்ணோட்டம் 
======================================
தமிழ்நாட்டில் காய்கறி பழங்களின் உற்பத்தியை நான்கு மடங்கு மேம்படுத்தி அதிகரிக்க இஸ்ரேல் நாட்டு விவசாய தொழில் நுட்ப வல்லுனர்கள் நம்ம நாட்டு விவசாயிகளுக்கு கற்றுகொடுக்கபோராங்களாம் .சுமார் 20 இலட்சம் தக்காளி , மிளகாய் , கத்தரி, வெண்டைக்காய் , மற்றும் சாம்பல் பூசணி நாற்றுக்கள் நன்கு தென்னிந்திய மாநிலங்களுக்கு வழங்கப்பட்டுள்ளன 
http://www.business-standard.com/…/israel-offering-latest-t…
இதுதான் இன்றைய விவசாயத்தின் நிலை

அங்காடிகளில் இருந்து நமது உணவு மேசைக்கு வரும் பல காய்கறிகளும் பழங்களும் Hybrid வகை என்பது எத்தனை பேருக்கு தெரியும் ? .நடு ரோட்டில் ஒரு வாழைபழத்தோல் இருக்கு .அதை கண்டும் காணாமல் செல்வோம் பின்னால் வருபவர் எடுத்து வீசட்டும் என்ற மனநிலைதான் பலருக்கும் ..அல்லது நான் விழல்லை அதனால் யார் வழுக்கினா எனக்கென்ன என்ற ஒரு அலட்சியமும் உண்டு பலர் மத்தியில் ..ஹைப்ரிட் வெரைட்டியில் நிறைய மகசூல் கிடைக்குமாமே என்று பின் விளைவை பார்க்காமல் கலப்பின மாயையில் விழுந்தோர் பலருண்டு ..நம் நாட்டில் எப்படி ஹைப்ரிட் விதை வந்தது அதை எப்படி உருவாக்கினார்கள் என்ற யோசனை கூட நம்மில் பலருக்கு இல்லை .இந்த அறியாமைதான் கார்பொரேட் களவாணி முதலைகள்.எளிதில் நம் நாட்டுக்குள் நமது நிலத்தில் அவர்கள் பொருட்களை விளைய செய்ய வைத்துள்ளது .. இது நாள் வரை நிலத்தை நாசமாக்கும் ரசாயன உரங்களையும் பூச்சி கொல்லி மருந்துகளையும் மட்டும் விற்ற முதலைகள் உதவி செய்கிறோம் என்ற போர்வையில் விவசாய நிலங்களில் தங்கள் கலப்பின விதைகளை பரீட்சித்து பார்க்கிறார்கள் ..ஏழை விவசாயியும் என்ன செய்வான் ..கொட்டும் கண்ணீரை துடைக்க வந்த கரங்களை பற்றிகொள்கின்றனர் அது இரும்பாலான சிலந்திவலை என அறியாதுகுறுகிய நாளில் கொள்ளை லாபம் பார்க்கலாம் என ஆசை காட்டி தங்களின் ஹைப்ரிட் விதைகளை கொள்ளை லாபத்திற்கு விற்று விடுகிறார்கள்.

இன்னும் கூட இயற்கை விதை பயன்படுத்தும் விவசாயிகள் சிலர் இருக்கத்தான் செய்கிறார்கள் யோகநாதன் ,பரமேஸ்வரன் இன்னும் சிலர் //"விவசாயி என்னைக்கு விதையை காசு கொடுத்து கடையில வாங்கினாரோ அன்னைகே விவசாயம் நம்ம கையைவிட்டு போயிடுச்சு.விதைய கை பற்றிட்டா,ஒட்டுமொத்த உணவு சந்தையையும் கைபற்றிடலாம்ங்கிற கம்பெனிகளோட திட்டம் பலிச்சிடிச்சி,உரம் பூச்சி மருந்து,விதைன்னு விவசாயிய சந்தைக்குள்ள முடக்கி கடன்காரனா மாத்தி மொத்த விவசாயத்தையும் அழிச்சிட்டாங்க.நம்ம விவசாயத்தை காப்பாத்தனும்னா,விதைய காப்பாத்தணும்.அதுக்கான முன்னடியத்தான் நான் எடுத்து வச்சிருக்கேன்..." - இவர் 50க்கும் மேற்பட்ட நாட்டு காய்கறிகளின் விதைகளை காப்பாற்றிய பேருக்கு சொந்தக்காரர்.//திரு .யோகநாதன் .
hybrid விதைகள் நட்டு செடி வளரும் அதில் இருந்து கிடைக்கும் விதைகளை மறுபடி நட்ட செடி வளராது அதாவது இவர்களது விதைகளை வாங்கி நாம் பயிரிட்டால் மறுபடி அந்த நிறுவனங்களிடமே உரங்களுக்கும் பூச்சி மருந்துகளுக்கும் கையேந்தி நிற்க வேண்டும் என்பதே உண்மை
ஆனால் பாரம்பரிய விதைகளை நாம் விதைத்து அதில் இருந்தே விதை சேமித்தால் காலத்திற்கும் விதை வாங்க வேண்டியது இல்லை.
அது சரி நாம் உண்ணும் கத்திரிக்காயில் வெண்டைக்காயில் பூச்சியே இல்லையே அதைப்பற்றி யோசித்திருக்கிறீர்களா ?..அந்த பூச்சிகள் ஒன்று கூட நெருங்காத அளவுக்கு பூச்சிமருந்து டிங்கரிங் கோட்டிங் சேர்த்துதான் இந்த காய்கறிகள் நம் வயிற்ருக்குள் செல்கின்றன ..
gluten அல்லர்ஜி என்று ஒன்றினை கேள்விபட்டிருப்பீர்கள் !கோதுமை உணவு உண்போருக்கு இந்த ஒவ்வாமை ஏற்படும் ..சமீபத்து செய்தி ..glyphosate பூச்சிகொல்லியை கோதுமை பயிரில் தெளித்து விடுவதால்தான் இந்த gluten அல்லர்ஜி ஏற்படுகிறதாம் ..
அரசாங்கம் நமது பாரம்பரிய விதைகளை பாதுகாக்கும் முயற்சியை மேற்கொண்டா இப்படி பிறரிடம் நம் விவசாயிகள் கையேந்தும் நிலை வராது ..
நம் நாடு விவசாய உற்பத்தியில் முன்னணியில் உள்ள ,விதை தேவை அதிகம் உள்ள நாடு இங்க எப்படியாவது காலூன்றிவிட்டால் போதும் கார்போரேட்களுக்கு , இங்குதான் உணவுக்கு உற்பத்திக்கு போட்டாபோட்டி நிலவுகிறதே !முதலைகளுக்கு இந்தியா ஒரு பொன் முட்டையிடும் வாத்து...பொன் முட்டையை ரசிக்கலாம் அழகு பார்க்கலாம் ஆனால் சாப்பிடமுடியாது :(இது தெரியாமல் .கவர்ச்சியில் மயங்கி விழும் விட்டில் பூச்சிகளாய் நாமும் ஏழை விவசாயிகளும் .எதை எதையோ பாதுகாக்கும் அரசாங்கம் இந்த பாரம்பரிய விதைகளை பாதுகாத்து வைத்தால் தான் என்ன ?.டிவியும் மிக்சியும் கிரைண்டரும் இலவசமா தரும் அரசு வீட்டுக்கு ஒரு க்ரோ பாகும் நாலு வகை பாரம்பரிய விதையும் கொடுத்தால் நன்றாக இருக்குமே !.


ஆதங்கத்துடன் ஏஞ்சல்  ..

1/26/16

Loud Speaker .....32 இங்கிலாந்து பள்ளி கல்விமுறை

Work Experience ..இங்கிலாந்து பள்ளி கல்வி ..




=============
இங்கே இங்கிலாந்தில் 11 ஆம் வகுப்பில் தான் GCSE எனப்படும் நம்ம ஊர் பத்தாம் வகுப்பு தேர்வுகளுக்கு சமமான தேர்வு நடைபெறும் .அதற்கான பாடங்களை 8 ஆம் வகுப்பிலேயே மாணவர்கள் தேர்வு செய்ய வேண்டும் .திட்டமிடல் ஆராய்ச்சி ஆகியவற்றிற்கு முக்கியத்துவம் அளிக்க வேண்டும்...
முக்கிய பாடங்கள் ஆங்கிலம்,Religious Education  சமயக் கல்வி ..இது ப்ராடஸ்டன்ட் பள்ளிகளில் கட்டாயம் அதில் இஸ்லாம் ஹிந்து மற்றும் கிறிஸ்தவம் மூன்றும் இருக்கும் .. கணிதம் ,அறிவியல் (இயற்பியல் வேதியியல் ,உயிரியல் ),மற்றும் உடற்கல்வி ,மொழிபாடமான ஜெர்மன் ,பிரெஞ்சு ,ஸ்பானிஷ் ,தமிழ் இவற்றில் ஏதேனும் ஒன்று கட்டாயம் தேர்வு செய்யவேண்டும் ..இங்குள்ள இலங்கை தமிழரின் பிள்ளைகள் அனைவரும் தமிழ் பாடத்தை தேர்வு செய்து எழுதுகிறார்கள் ..இந்திய தமிழரை விட இலங்கை தமிழர் தாய்மொழியை பாதுக்காக்கின்றனர் என்றால் மிகையாகாது ..எங்கள் மகளுக்கு நன்கு பேச முடியும் ஆனால் எழுத சொல்லித்தரவில்லை :(..மேற்கூறியவை கட்டாயபாடங்கள் ..இவை தவிர வரலாறு அல்லது புவியியல் ,நிழற்படக்கலை அல்லது ஆர்ட் ,பிசினஸ் ஸ்டடிஸ் அல்லது நாடகக்கலை ,சுகாதாரம் மற்றும் சமூகவியல் அல்லது கணிப்பொறி அறிவியல் இவற்றில் விருப்பமான பாடங்களை தேர்வு செய்ய வேண்டும் .மகள் தேர்வு health அண்ட் சோஷியல் ,வரலாறு டிசைன் அன்ட் ஆர்ட் ..இவற்றில் மொழி பாடங்கள் மற்றும் ஓரிரு பாடங்களை முதலிலேயே தேர்வு எழுத வைப்பார்கள் அதில் இப்போதே  A எடுத்தால்  பின்பு 11 ஆம் வகுப்பில் மீண்டும் எழுத வேண்டாம் இந்த மதிப்பெண்களே போதுமானது (தனிபதிவில் எழுதுகிறேன் ) 

இங்கிலாந்து பள்ளிகள் அனைத்திலும் 10 ஆம் வகுப்பு பயிலும் மாணவ மாணவியர்கள் கல்வியாண்டின் இறுதியில் இரண்டு வாரங்கள் தொடர்ந்து இந்த பணி  முன் அனுபவ பயிற்சி ..Work Experience கட்டாயமாக செய்ய வேண்டும் .இந்த முன் அனுபவ பயிற்சியானது மாணவர்களுக்கு நம்பிக்கை வேலை செய்யுமிடத்தில் பிரச்சினைகளை சமாளிக்கும் திறன் மற்றும் திறமைகளை வளர்க்க உதவுகிறது ,இதுவரையில் காலையில் பள்ளிக்கு அவசர அவசரமாக சென்ற வர்கள் வேலையென்றால் என்ன பணியிடம் எப்படி இருக்கும் போன்றவற்றை அறிந்துகொள்ள ஏதுவாகிறது ..எதிர்கால  வாழ்க்கை முறையை அவர்கள் தெரிவு செய்யும் செய்துள்ள பாடபிரிவுகள் ஆகியவைபற்றிய ஒரு தொலைநோக்கு  பார்வை மாணவர்களுக்கு கிடைக்கக்கூடும் ....
சட்டத்திட்டங்கள் ...

--------------------------------
மாணவர்கள் தனி CV அவர்களின் பள்ளி வயது விருப்பங்கள் என சிறு தொகுப்பு விவரம் அனைத்தும் எழுதி விண்ணப்பிக்க வேண்டும் ..உறவினரிடம் வேலை செய்யக்கூடாது ,
இந்த  பணி அனுபவம் மாணவர்கள்  16 வயதுக்கு கீழ் உள்ள மாணவர்கள் கெமிகல்ஸ் பயன்படுத்தும்  மற்றும் பாதுகாப்பற்ற  இடங்களில் வேலை அனுபவம் பெற இயலாது மற்றும் தேர்வுசெய்த பாடங்கள் சம்பத்தப்பட்ட துறையாக இருக்கவேண்டியது கட்டாயம் . பிசினஸ் ஸ்டடிஸ் எடுத்து மாணவர் சூப்பர் மார்கெட்களில் கட்டாயம் பயிற்சி பெறணும் என்பது முக்கியம் .சமையல் துறை கேட்டரிங் என்றால் கட்டாயம் ரெஸ்டாரண்டில் வேலை செய்ய வேண்டும் .
 ஹெல்த் ஸ்டடிஸ் தேர்வு செய்த எனது மகள் ஹேர் டிரெஸ்ஸிங் செய்யுமிடத்தில் வேலை செய்ய முடியாது கட்டாயம் ப்ரைமரி  பள்ளி/special needs பள்ளி   அல்லது மருத்துவமனை/விலங்கு பூங்கா ,விலங்கு காப்பகம்,  முதியோர் இல்லம் போன்ற இடங்களில் மட்டுமே பணி  அனுபவத்திற்கு விண்ணப்பிக்க முடியும் அதிலும் ஒரு பிரச்சினை பள்ளிக்கூடம் ,ZOO தவிர்த்து வேறெங்கும் 16 வயது பூர்த்தி அடைந்தா மட்டுமே விண்ணப்பம் ஏற்க்கப்படும் ..எங்கள் வீட்டுக்கு அருகாமையில் ZOO இல்லை ..இதில் மகளுக்கு பெரும் வருத்தம் ..எங்கள் வீட்டுக்கு சற்று தொலைவிலுள்ள ஒரு கால்நடை மருத்துவமனையில் விண்ணப்பம் நிராகரிக்கப்பட்டது காரணம் இவளுக்கு டிசம்பர் வந்தால்தால் 16 வயது ..இன்று அருகிலுள்ள ஸ்பெஷல் நீட்ஸ் /LEARNING DISABILITIES பிள்ளைகள் படிக்கும் பள்ளியில் பணி செய்ய  அவளுக்கு கடிதம் வந்துள்ளது !! ..அறிவியல் மருத்துவத்துறையை அவள் விரும்புவதால் அவளுக்கு இது உதவும் .ஜூலை மாதம் இரண்டு வாரம் தொடர்ந்து வேலை .அங்கு அவள் பெற்ற அனுபவங்கள் பின்பு பகிர்கிறேன் ..

அன்புடன் ஏஞ்சல் ..

1/22/16

Loud Speaker ..31

ஒலிபெருக்கியில் இன்று மகள் அவளின் குட்டி தோழி Angel க்கு செய்த olaf வாழ்த்தட்டை , Angel Sense Apps..மற்றும் ஏஞ்சலின் மீள்சுழற்சி கிராப்ட் :)


Frozen ..2013 இல் வந்த படம் ..இன்னும் பிள்ளைங்க மனதில் இடம் பிடிச்சிருக்கு 
பெட்ஷீட் தலையணை உறை பொம்மை டிபன் பாக்ஸ் ஸ்கூல் பாக் என்று எல்லாம் இந்த தீமில் வந்துவிட்டது :)
உறைபனியில் செய்யப்பட்ட ஸ்னோ மனிதன்  பேசுவதும், சித்திரக்குள்ளர்கள் வட்டப்பாறைகளாய் சுருண்டு கிடப்பதும், எல்சாவின் கையசைவில்… பனிப்பாலங்களும், மாடிப்படிகளும், மாட மாளிகையும் உருவாவதும் அசத்தல் முப்பரிமாணத்தில் அழகோ அழகு :) 

                                                                  OLAF :) 


olaf 
-----
என் மகளுக்கு மட்டும் எல்லாமே 4-5 இந்த வயசு குட்டீஸ்  நட்புக்கள் அதிகம் :) அனைவரும் இவளைவிட 10 வயசு சின்னதுங்க ..
ஆலயத்துக்கு போனாலும் இவ பின்னாடி நண்டும் சிண்டுமா ஒரு கூட்டமே சுற்றும் பார்ப்பதற்கு கண்கொள்ளா காட்சி :) இவ கைய பிடிச்சிக்கிரதுக்கு மடில உக்காரதுக்கு என்று போட்டா  போட்டியும் நடக்கும் :)
இந்த ஏஞ்சல் பொண்ணுக்கு 4 வயசு என் மகள் அதோட பிறந்த நாள் பார்ட்டிக்கு கட்டாயம் வரணும்னு என்கிட்டே பெர்மிஷன் போன்லயே வாங்கிடுச்சி :) அந்த குட்டிக்கு OLAF ரொம்ப பிடிக்கும்னு செய்த கார்ட் .ஐடியா மட்டும் நான்  கொடுத்தேன் மற்றதெல்லாம் அவளே செய்தா ..

தொடர்ந்து 4 எக்ஸாம் எழுதி முடிச்சி இந்த கார்ட் செஞ்சது ரொம்ப மனசுக்கு ரிலாக்சிங்கா இருந்ததாம் .



Angel Sense Apps
ஆட்டிசம் குறைபாடுள்ள தனது மகனுக்கு ஒரு தந்தை இந்த மொபைல் ஆப்சை கண்டுபிடித்தார் அது காணாமல் போனஇதேகுறைபாடுள்ள இன்னொரு பிள்ளையை கண்டுபிடிக்க உதவியுள்ளது ..ஆட்டிசம் குறைபாடுள்ள பிள்ளைகள் பல நேரங்களில் தன்னந் தனியே பள்ளியை விட்டோ அல்லது வீட்டை விட்டோ யாரும் கவனிக்காத நேரத்தில் நடந்து சென்று விடுவார்கள் ..இவ்வாண்டின் துவக்கத்தில் பென்சில்வேனியாவில் ஒரு 5 வயது சிறுவன் வீட்டில் புத்தாண்டு கொண்டாட்டம் நடந்து கொண்டிருக்கும்போது யாருக்கும் தெரியாமல்  வெளியேறி விட்டான் ..இறுதியில் தீவிர தேடுதலு க்குபின்னர் கிடைத்தது அவனது உடல்   :( //பல குறைபாடுள்ள பிள்ளைகளுக்கு இவ்வாறன தன்னிச்சையா நடக்கும் பழக்கம் உள்ளதால்  ஒரு தந்தை இந்த apps உருவாக்கியுள்ளார் .இது ஒரு GPS போன்ற சிறு சாதனம் .ஆட்டிசம்  குறைபாடுள்ள பிள்ளைகளின் கால்சட்டையில் பொருத்திவிட வேண்டும் ..பிள்ளைகள் பள்ளிக்கு செல்வது முதல் ஒவ்வொன்றையும் பெற்றோரின் கைபேசிக்கு தகவல் அளித்து கொண்டு வரும் இந்த APPS .மேலும் சுற்றி நடைபெறும் குரல் சம்பாஷனைகள் சத்தம் கூட கேட்கலாமாம் .




இந்த சுட்டியில் சென்று விவரங்களை வாசிக்கவும் 

https://www.angelsense.com/blog/angelsenses-biggest-life-saving-events-2015/




ஆகஸ்ட் மாதம் asperger's சின்றோமினால் பாதிக்கப்பட்ட ஒரு 15 வயது பெண்ணை ஒரு வக்கிரபுத்தி ஆணினால் பாலியல் வல்லுறவுக்கு உட்படமுன் காப்பற்றபட்டுள்ளாள் ..பிள்ளையின் பெற்றோருக்கு AngelSense இன் Listen-In feature மூலமாக அப்பெண் இருக்குமிடத்தை காட்டி கொடுத்துள்ளது 
https://www.youtube.com/watch?time_continue=16&v=LlLN2ZH4JAY..
ஆடிசம் குறைபாடுள்ள பிள்ளைகளின் பெற்றோருக்கு இந்த ஏஞ்சல் சென்ஸ் ஆப்ஸ் சிறந்த வரம் என்றால் மிகையில்லை .

முன்னோர் உணவு /Paleo Diet 
============================

ரொம்ப நாளா இதை பற்றி எழுதனும்னு யோசிச்சிட்டிருக்கேன் நம் நட்புக்கள் பலர் இந்த குழுவில் இருக்கீங்கன்னு நினைக்கிறேன் :)
நடுவில் வழிதப்பிய ஆடு போல பேலியோ வை விட்டு கொஞ்சம் பாதை மாறிப்போனதால்  பலன்களை எழுத கொஞ்சம் தாமதமாகிறது ..
 இன்னும் சில நாட்கள் கழித்து முழு விவரங்களை தருகிறேன் ..ஆனால் ஒன்று எந்த டயட் துவங்குமுன்னும் மருத்துவ செக்கப் செய்து கொள்ளவேண்டும் .அது நமக்கு சரிவருமா என்று மருத்துவர் ஆலோசனை பெற்றே துவங்க வேண்டும் .
இப்போதைக்கு ஒரு paleo ரெசிப்பி அக்குழுமத்தில் ரெசிப்பி பார்த்து செய்தது ..
பேலியோ எலுமிச்சை ஊறுகாய் ..
================================

இது ஆயில் இல்லா ஊறுகாய் :))

இந்த ஊறுகாய் மிக சுவையாக இருந்தது நீங்களும் செய்து பாருங்களேன் .

லாஸ்ட் பட் நாட் லீஸ்ட் :)
என்னுடைய மீள்சுழற்சி கிராப்ட் ஒன்னு முகபுத்தகத்தில் பகிர்ந்தது இங்கே உங்கள் பார்வைக்கும் :)


ஒரு பழைய candle ஹோல்டர் வீட்டில் இருந்தது ..அதை பென்சில் /பேனா வைக்க இப்படி சணல் நூல் சுற்றி பழைய புத்தக தாளை வெட்டி க்வில்லிங் செய்து மங்குஸ்தான் பழ மலர்களையும் ஒட்டிவிட்டேன் ..அந்த மலர்கள் நடுவில் இருக்கும் சிவப்பு கல் கூட பழைய சல்வாரில் இருந்து எடுத்தது..



மீண்டும் அடுத்த பதிவில் சந்திப்போம் :)

1/19/16

எனது வலைப் பயணம் ....Blogiversary




Quilling
-----------


Quilling
-----------
2010ஆண்டு கிறிஸ்துமஸ் சமயத்தில் மகளுக்கு பரிசுபொருட்கள் வாங்க சென்றபோது கண்ணில் பட்டது ஒரு பிளாஸ்டிக் என்வலப் அதனுள் சில தாள்கள் ஒரு பிளாஸ்டிக் பேனா போன்ற பொருள் .எனக்கு அது அப்போ என்னவென்று தெரியாது ..சாண்டா கிப்ட் என்று கிறிஸ்துமஸ் மரத்தின் கீழே வைத்து விட்டேன் மகள் அதை பிரித்து பார்த்து ஆராய்ச்சி செய்து 
ஒருவாறு கண்டுபிடித்து விட்டாள் அதன் பெயர் க்வில்லிங் டூல் என்று சொன்னாள் ..எனக்கு அதை பற்றிய விவரங்களை யூ டியூபில் பார்த்து சொல்லியும் தந்தாள் .அவள் முதலில் செய்து காட்டிய வாத்துகுஞ்சுகள்தான் இந்த இரண்டும் .அந்த நாட்களில்  எங்கள் ப்ளாகின் மற்றொரு வலைப்பூவான  நம்ம ஏரியாவை அடிக்கடி எட்டிப்பார்ப்பேன் அதில் squiggles டைப்பில் ஒரு புள்ளியோ அல்லது கோடோ போட்டு அதை முடித்து ஆர்ட் போல செய்ய சொல்வாங்க அந்த ஒரு பகுதியை போட்டுட்டு இது என்னன்னு கேள்வி கேப்பாங்க :) அதெல்லாம் இண்டரெஸ்ட்டா இருக்கும் ..ஒரு பதிவில் மயில் புள்ளி கோலம் போல போட்டு வரைந்து வர்ணம் தீட்ட சொன்னாங்க .உடனே மகளை அதை க்வில்லிங்கில் செய்ய சொன்னேன் 2011 ஆம் ஆண்டு என்று நினைக்கிறேன் ..சின்ன பட்டு விரல்களை வைத்து கடகடன்னு செஞ்சு முடிச்சா !..அங்கே வந்த பின்னூட்டங்கள் எல்லாம் பார்த்து நான் ட்ரான்ஸ்லேட் செய்து சொல்லவும் செம குஷி அவளுக்கு .
நேரம் கிடைக்கும்போதெல்லாம் செய்வா கார்ட்ஸ் ஆர்ட் என்று அப்படியே நானும் அந்த க்வில்லிங்கை செய்ய துவங்கி ப்ளாகில் போடஆரம்பிச்சேன் எல்லா பெண்களும் சமையல் ஓவியம் காமெடி பின் நவீனத்துவம் பெண்ணியம் என்று கலக்கிகொண்டிருந்த காலமது .நமக்கு சமையல் சுட்டு போட்டாலும் வராது .அதனால் கார்ட் செய்வதை போட்டூ ஒப்பேற்றிகொண்டிருந்தேன் மகளும் ஒரு ப்ளாக் ஆரம்பிச்சு கொடுக்க சொன்னா அவளுக்கு என்று .சில போட்டிகளில் எல்லாம் பங்கேற்று பரிசு வாங்கினா ..இப்படி நல்லா போயிக்கிட்டுருந்த அவளது க்வில்லிங் பயணத்தில் ஒரு சிறு தடை கல் :) கல்லை தூக்கி போட்டது அவளோட அப்பா :) ஒரு நாள் அவள் ஒரு கார்டை செய்து டேபிள் மேலே வைச்சாள் ..வேலை முடிந்து வந்த அப்பா பார்க்கணும் முதலில் என்பது குழந்தையின் ஆசை ...அப்பாவும் வந்தார் ,கார்டை பார்த்தவுடன் //வாவ் அம்மா எவ்ளோ அழகா செய்திருக்காங்கன்னு //திருவாய் மலரவும் குழந்தை முகம் சுண்டி விட்டது !.அது ரெண்டு வருஷம் முன் அதோட அவ க்விலிங் செய்வதை விட்டுவிட்டாள் :( ஒரே பிள்ளை என்பதால் அந்த சின்ன வார்த்தை  கூட அவளுக்கு தாங்க முடியலை ....பிறகு மெதுவா அவளை மீண்டும் சிறு கார்ட்ஸ் செய்ய உற்சாக மூட்டினேன் ..இதோ சனிக்கிழமைஅவளுடைய நண்பிக்கு செய்த கார்ட். அவளே செய்தா ..
ஒரு படத்தை பிரிண்ட் எடுத்து typography P எழுத்தை  க்விலிங் முறையில் செய்தாள் ..
அடுத்து வரவிருக்கும் gcse இறுதி பரீட்சைக்கு portrait செய்யபோவதாக சொன்னாள் .. இனி செய்யவே மாட்டாளோ என்று பயந்து கொண்டிருந்தேன் நல்லவேளை மீண்டும் ஆரம்பிச்சிட்டா :).
அன்று முதல் நாங்கள் பிள்ளை முன் எவ்வித கம்பேரிசனும் செய்வதில்லை ...ஒவ்வொருவருக்கு ஒவ்வொரு தனித்தன்மையான திறமைகளுண்டு அவற்றை நாம் உற்சாகமூட்டி வெளிக்கொணர வேண்டும் .அதுவும் இக்கால பிள்ளைகள் சிறு விஷயத்துக்கும் முகம் சுருங்கி விடுவார்கள் .இது எங்களுக்கு ஒரு பாடமாக அமைந்தது ..



அப்படியே பழைய பதிவுகளை பார்த்துக்கொண்டு வந்தபோது கண்டுபிடித்தேன்  :) நான் வலைப்பூ  துவங்கி 6 ஆவது வருடம் இது .. :).
சமீப காலமாக முகபுத்தகம் இறுக்கி பிடித்துகொண்டது என்னை :)
ஒருவாறு அதை கொஞ்சம் ஒதுக்கி வைத்து மீண்டும் வலைப்பூ பக்கம் வர முடிவெடுத்துள்ளேன் :) இனி தவறாமல் இங்கே பதிவுகளும் அனைவர் பக்கம் எனது  பின்னூட்டமும் வெளிவரும் :) .நான்  வராமல் விட்டாலும் தொடர்ந்து வருகை தந்து என்னை பாராட்டி ஊக்குவித்த அனைத்து நட்புக்களுக்கும் நன்றிகள் ..

அன்புடன் ஏஞ்சல் ..

























1/14/16

பொங்கல் நல்வாழ்த்துகள்

நட்புக்கள் அனைவருக்கும் இனிய தைப்பொங்கல் நல்வாழ்த்துக்கள் :)






அன்புடன் ஏஞ்சல் ..