அடுத்து வரவிருக்கும் பதிவுகள் ...கினொவா தோசை , வெந்தயக்கீரை சாம்பார் ...பஞ்சாபி சமோசா !!!!

மீண்டும் சந்திப்போம்................அடுத்து வரவிருக்கும் பதிவுகள் ...கினொவா தோசை,Ragada Patties ,தட்டு தோசை , வெந்தயக்கீரை சாம்பார் . . !!!!cheese பராத்தாஸ் அனியன் cheese பராத்தாஸ் ,காரட் லெமன் பருப்பு ..!!!

8/25/14

ஐஸ் வாளி சவாலும் அரிசி வாளி சவாலும் !!

ஐஸ் வாளி  சவாலும்  அரிசி வாளி சவாலும்
முதலில் ஐஸ் பக்கட் சவால் ..


                                                                        

உலகெங்கும் இப்போ இது வேகமாக பரவி வரும் ஒரு சவால் ..
நரம்பு மரத்து போவது (Amyotrophic lateral sclerosis - ALS) 
சம்பந்தமான நோய் குறித்த விழிப்புணர்வை பொதுமக்களிடம் 
ஏற்படுத்த துவங்கப்பட்ட இந்த சவாலில் பங்கு பெறுபவர் 
ஒரு வாளி நிறைய குளிர்ந்த ஐஸ் நீரை தலையில் ஊற்றிக்கொண்டு தன்னை ஒரு வீடியோவோ அல்லது ஸ்மார்ட் போனில் ஒரு செல்பி படமோ எடுத்து முகபுதகத்தில் வெளியிடவேண்டும் பிறகு 
ஒரு தொகை குறுந்தகவல் மூலம் குறிப்பிட்ட சேவை நிறுவனத்திற்கு அனுப்புவதாக செய்தி அனுப்ப வேண்டும் பிறகு தனது நண்பர் தெரிந்தவர் யாரையேனும் இந்த சவாலில் பங்கேற்க அழைப்பு 
விடுக்க வேண்டும் ..
இதில் பங்கு பெற்ற பிரபலங்கள் பில் கேட்ஸ், ஜார்ஜ் புஷ் ,
மார்க் ஹெட் of முகபுத்தகம் :)
                                                                      
                                                                   
டேவிட் பெக்கம் ,ஜஸ்டின் பீபர் ..
                                                                       
                                                                           

இப்போது இங்கிலாந்தில் இதே சவால் புற்று நோய் ஆராய்ச்சி விழிப்புணர்வுக்காக வேகமாக பரவி வருகிறது
மாக்மில்லன் தன்னார்வ தொண்டு நிறுவனம் புற்றுநோய் 
விழிப்புணர்வு மற்றும் நோயுற்றோருக்கான HOSPICE , 
போன்ற பல  சேவைகளில் ஈடுபட்டு வரும் ஒரு நிறுவனம் .
இவர்கள் இந்த சவால் மூலம் சேர்க்கும் பணத்தை புற்று நோயாளிகளுக்கு உதவும் வகையில் செலவழிக்கிறார்கள் .

நம்ம சென்னைல ஹன்சிகா ஆரம்பிச்சு வைத்து இப்போ 
அருண்விஜய் ஜெயம்ரவி அப்புறம் த்ரிஷா என்று எல்லாம் 
இப்போ இந்த சவாலில் பங்கேற்கிறார்களாம் :))))))))

இந்த சவாலில் யாரும் பங்கேற்கலாம் ...
என்ன தேவை என்பதை இங்கே கூறியுள்ளேன்

தேவையான பொருட்கள் 
ஒரு பெரிய அளவு வாளி ..அது தளும்பும் அளவுக்கு குளிர்ந்த 
ஜில் தண்ணி ,ஒரு பெரிய துவாலை ,ஜில் தண்ணியை 
தலையில் தானே ஊற்றிக்கொள்ள கொஞ்சூண்டு தைரியம் ,
சூடா ஒரு கப் தேநீர் ,
ஒரு ஸ்மார்ட் போன் ..
செல்பி எடுக்க முடியல்லைன்னா நண்பரை விட்டு படம் 
எடுக்க சொல்லுங்க ...பிறகு அவர்களையே நாமினேட் செய்ய 
வசதியாக இருக்கும் 
மிக முக்கியம் ஒரு குறிப்பிட்ட தொகையை தொண்டு /சேவை விழிப்புணர்வு நிறுவனகளுக்கு செக்காக அனுப்ப வேண்டும்

இதெல்லாம் ஒரு பக்கம் இருக்க .. நம் நாட்டின் அடிப்படை
 தேவை பசிப்பிணி நீக்குவது..SO, ஹைதராபாத்தை ஒருவர் .ரைஸ் பக்கட் சவால் என்று ஒன்றினை அறிமுகபடுத்தி உள்ளார் . 
அவர் பெயர் மஞ்சு லதா ..கலாநிதி ..
                                                                         
                                                             (thanks google )             
பெயரை பார்த்ததும் சிலருக்கு குறிப்பா கடசீ பேரை பார்த்ததும் 
குழப்பம் வரலாம் .சந்தேகம்லாம் வேண்டாம்:) இவர் ஒரு
 ஜர்னலிஸ்ட் .
முகபுதகத்தில் இந்த சவாலுக்குன்னே ஒரு பக்கத்தை 
துவங்கி உள்ளார் .https://www.facebook.com/ricebucketchallenge

.இதன்படி ஆளுக்கு ஒரு வாளி நிறைத்து அரிசி இலவசமாக ஏழைகளுக்கு விநியோகிக்கவேண்டும் .
அவர்களது புகைப்படம் இந்த பக்கத்தில் பிரசுரிக்கப்படும் ..

அல்லது நூறு ரூபாய் பெறுமானமுள்ள பொருட்களை ஏழைகள் இருக்கும் அரசு மருத்தவமனைக்கு சென்று அவர்களுக்கு 
வழங்கணும் ..சிலர் இதனை ஆதரிக்கவில்லை ..மக்களை சோம்பேறியாக்கும் என்றெல்லாம் பின்னூட்டம் அவர் பதிவில் பார்த்தேன்.
ஒரு நாணயத்தில் இரு பக்கம் உண்டு எது வேண்டுமோ 
அதை தெரிவு செய்யுங்கள்

                                                   xxxxxxxxxxxxxxxxxxxx 

8/2/14

ரெயின்போ லூம் நட்பு + பாசக்கயிறு ( friendship bands ) :))


ரெயின்போ லூம் நட்பு + பாசக்கயிறு ( friendship bands )  :))
                                                                                         

சில மாதங்களாக ஐரோப்பா மற்றும் அமெரிக்காவிலுள்ள சிறுவர்
சிறுமியர் மத்தியில் இந்த ரெயின்போ லூம் பேண்ட் (Rainbow loom band ) 
படு வேகமாக பிரபலமடைந்துள்ளது  .

                                                                                                    
                                                                
                                                      விடுமுறை  நாள் துவங்கியதும்
 பிள்ளைகள் அனைவரும் இந்த ரப்பர் பாண்ட் போன்ற பொருட்களை 
வாங்கி friendship band செய்ய ஆரம்பித்து விட்டார்கள் !!
சிறு பிளாஸ்டிக் பாக்கெட்டில் நூற்றுக்கணக்கில் பல வர்ணங்களில் 
கிடைக்கிறது .
அமேசான் நிறுவனம் விற்கும் டாப் ட்வெண்டி பொருட்களில் இந்த 
லூம் பாண்டும் அடங்கும் .
                    
                    EBAY வில் இந்த 24,000 பான்ட் களால் பின்னப்பட்ட உடை 
                                  சுமார் 170,000£ இற்கு விற்பனையாகியிருக்கு !!

         Looming Profit: Helen Wright, left, and Kathryn with their loom band dress which they 
         sold for £170,000 on eBay.
                                                                                            

                                                                                              


ஏப்ரல் மாதம் சுற்றுபயணம் செய்து கொண்டிருந்த இளவரசர் வில்லியம்
 மற்றும் அவரது மனைவி கேட் இவர்களுக்கு இரண்டு சிறுமிகள் லும் 
பாண்டை பரிசளித்துள்ளார்கள் !! அதை அணிந்த வாறு இருவரும் 
படத்துக்குபோஸ் கொடுக்கவும் அடுத்த நாளே இன்னும் விற்பனை 
மூன்று மடங்காகிவிட்டதாம் இங்கிலாந்தில் :)

                                                                                                  

                                                                                               
லும் பாண்ட் அணியாத பிரபலங்களே இல்லை :) டேவிட் பெக்காம் ,
அரச குடும்பத்தில் மாமியார் கமீலா மருமகள் கேட் மற்றும் இளவரசர்
 வில்லியம் பாடகி மைலி என லிஸ்ட் நீண்டு கொண்டே செல்கிறது .
                                                                                                     



இதில் ஜிம் கிம்மல் கோட் செய்து சாரிட்டிக்கு விற்பனை செய்தார் ..
மேலும் இவற்றில் காலணிகள் பொம்மைகள் என விதம் விதமாக 
செய்கிறர்கள் !!
                                                                                                
                                                                                         

அதுமட்டுமில்லை  ஆலயத்தில் திருவிருந்து ஆராதனையில் அப்பம் 
பெற கையை நீட்டினேன் !! பார்த்தால் பாதிரியார் கையிலும் 
லூம்  பாண்ட்  ப்ரேஸ்லெட் :) 

எங்க வீட்டிலும் மகள் ஆர்வமுடன் செய்கிறாள் ..
                                                                                                         
இப்படி இங்கு பிரபலமாகிவரும் லூம் பிரேஸ்லட் நம் நாட்டில் 
விற்பனையாகிறதா என்று கூகிளை தட்ட !!
நம்ம நாட்டிலும் 600 ரூபாயாம் ! அங்கும் செம பிசினஸ் போலிருக்க 
..இப்படி விற்பனையாகும் இந்த பிரபல ரெயின்போ லும் பாண்ட் எப்படி 
தயாரிக்கிறாங்க தெரியுமா ?
கிழக்கு ஆசியா நாடுகளான சீனா மற்றும் தாய்லாந்தில் குறைந்த 
பரப்பளவுநிலத்தில் இவற்றை தயாரிக்கிறார்கள்  
இவை இயற்கை ரப்பர் கிடையாது .செயற்கை /சிந்தடிக் இழை ரப்பர் .
சிலிகான் போன்ற பொருள் எளிதில் அழிக்க முடியாது 
அதனால் இதை மீள் சுழற்சி செய்ய இயலாது :( 

குறைந்த விலையில் கிடைப்பதால் ரோடு முழுதும் வீசப்பட்டு உள்ளது ..
இப்படி பட்ட குப்பைகள் இறுதியில் சென்றடைவது கடலைத்தான் ..
அங்கு மீன்களும் ஆமைகளும் கடல் பறவைகளும் இவற்றால் கடும் பாதிப்புக்குள்ளாகின்றன .
மேலும் நாய் பூனைகளுக்கு இவற்றை உண்ணும் பழக்கமுண்டு ..
எக்ஸ் ரே மெஷின் கூட கண்டறிய முடியாது இவை உடலுக்குள்
 எங்கிருக்கு என்பதை :(
சிறு பிள்ளைகள் இவற்றுடன் விளையாடும்போது பெற்றோர் 
கண்டிப்பாக கண்காணிப்பில் இருக்கணும் 
ஒரு சிறுவனுக்கு இங்கிலாந்தில் பார்வை ஒரு கண்ணில் போய்  விட்டது .
ஒரு சிறுவன் கையில் போட்டு அப்படியே மறந்து தூங்கியதால் ..,,
இரத்த ஓட்டம் நின்று போகும் சூழ்நிலையில் தாய் கண்டுபிடித்து 
காப்பற்றப்பட்டான் ..

நம் நாட்டில் பிள்ளைகள் சாதா ரப்பர் பான்டையே விரலால் இழுத்து 
வில்லத்தனம் செய்வாங்க ..அதனால் இதனை கவனமுடன் பயன்படுத்த 
அறிவுறுத்துங்கள் பெற்றோர்களே .
அப்பாவி வாயில்லா ஜீவன்களுக்கும் எந்த பாதிப்பும் ஏற்படா வண்ணம் 
கண்காணியுங்கள் .ப்ரேஸ்லெட்டை இரவு கழட்டி விட சொல்லுங்கள் 
இல்லையென்றால் இரத்த ஓட்டம் தடைப்படும் .
எப்படியும் ...பப்ளிசிட்டிக்கு எங்க நாட்டில் த்ரிஷாவோ சமந்தாவோ 
இல்லை சூர்யாவோ ,விஜயோ இதை போட்டதும் அதி வேகமாக 
பிரபலமாகபோகுது !! :) எனவே கவனமுடன் பயன்படுத்த சொல்லுங்கள் உங்கள் பிள்ளைகளை ..



                                                                                    xxxxxxxxxxxxxx