அடுத்து வரவிருக்கும் பதிவுகள் ...கினொவா தோசை , வெந்தயக்கீரை சாம்பார் ...பஞ்சாபி சமோசா !!!!

மீண்டும் சந்திப்போம்................அடுத்து வரவிருக்கும் பதிவுகள் ...கினொவா தோசை,Ragada Patties ,தட்டு தோசை , வெந்தயக்கீரை சாம்பார் . . !!!!cheese பராத்தாஸ் அனியன் cheese பராத்தாஸ் ,காரட் லெமன் பருப்பு ..!!!

12/12/14

Loud Speaker ..13 ஆரம்ப் ஹெல்ப் டெஸ்க்,Christmas Crafts

இன்றைய லவுட் ஸ்பீக்கரில் ஆரம்ப் ஹெல்ப் டெஸ்க் ,மெரினா பீச்சில் கூடும் பறவைகள் பற்றிய சகோதரர் ஜாக்கி சேகரின் காணொளி ,
pomander ball ,மீள்சுழற்சி பாஸ்கட் மற்றும் ரசித்து ருசித்த முனிக்கி சாம்பார் :)


உலகிலேயே இரண்டாவது மிகப்பெரிய நாடு நமது இந்தியா ..
ஆனால பல பிள்ளைகளுக்கு முறையான மேசை கூட பல கிராமப்புற பள்ளிகளில் இல்லையென்பது வேதனைக்குரிய விஷயம் .
மேசை,நாற்காலியில் அமர்ந்து பள்ளியில் படிப்பது எழுதுவது என்பது ஒரு வித வசதி மட்டுமின்றி அழுக்கான தரையில் அமர்ந்து முறையற்ற நிலையில் சாய்ந்து குனிந்து எழுதுவது ஒழுங்கற்ற மோசமான கையெழுத்துக்கு வழி வகுக்கும் .
Aarambh என்ற மும்பையை சேர்ந்த  தன்னார்வ தொண்டு நிறுவனம் 
இப்படிப்பட்ட அடிமட்ட குடும்பங்களை சார்ந்த கிராமப்புற பள்ளி பிள்ளைகளுக்கென ஹெல்ப் டெஸ்க் ஒன்றினை வடிவமைத்துள்ளார்கள் .

இவர்கள் தொழில் நிறுவனங்கள் பெரிய சூப்பர் மார்கெட்டுகள் மற்றும் பெரிய நிறுவனங்களில்  இருந்து பொருட்கள் சுற்றி வரும் அட்டை பெட்டிகளை சேமித்து அவற்றை மீள் சுழற்சி செய்து அதனை டூ இன் ஒன் பெட்டி மற்றும் தரையில் அமர்ந்து எழுதும் சிறு மேஜை போல வடிவமைத்து உள்ளார்கள் .பெட்டிக்குள் புத்தகத்தை உள்ளே வைத்து 
பள்ளிக்கு எடுத்து சென்று அங்கே அமரும்போது அதை சிறு மேஜையாக்கலாம் !. காணொளி பார்க்கவும் .
மகாராஷ்டிரா பகுதியிலுள்ள சில பள்ளிகளுக்கு ஆரம்ப் 
நிறுவனம் இலவசமாக இவற்றை விநியோகித்துள்ளார்கள் .




Kindness is not an act, it’s a lifestyle.
அடுத்து ஒரு காணொளி மற்றும் மனதுக்கு சந்தோஷம்  தரும் ஒரு விஷயம் `.நண்பர் ஜாக்கி சேகர் அவர்களின் பதிவில் பார்த்தது .
அவரே அழகாக விளக்குகிறார் பாருங்களேன் ..

                               https://www.youtube.com/watch?v=oPJ2AxQxVlg    

Pomander Ball ..


                                                                           


                                                                                   
இது கிறிஸ்மஸ் காலங்களில் இங்கே எல்லா வீடுகளிலும் 
செய்ய ஆரம்பிப்பாங்க ..ஆரஞ்சு பழங்களில் எல்லா இடத்திலும் பல் குத்தும் குச்சியால் துளையிட்டு அதில் கிராம்பை குத்தி வைக்கணும் .
பிறகு அதை ஒரு ரிப்பனில் கட்டி கிறிஸ்மஸ் மரத்தின் டெகரெஷன்சுடன்  கட்டி தொங்க விடனும் ..அதுவே காய்ந்து விடும் காய காய ஆரஞ்சு மற்றும் கிராம்பின் மணம் இல்லமெங்கும் நறுமணமாக வீசும் .
சிலர் கிராம்பு குத்தியபின்பு தூள் செய்த பட்டை மற்றும் கிராம்பு 
 தூளில் உருட்டியும் வைப்பார்கள் .இது நான் நார்த்தங்காய் என்று நினைச்சி வாங்கின எலுமிச்சை பழத்தில் செய்தது :)

                                                                                   

செய்முறை விளக்கம் இங்கே 
கிறிஸ்மஸ் என்றால் கார்ட்சும் முக்கியமான ஒன்று இங்கிலாந்தில் .

 முகபுத்தகத்தில் பகிர்ந்தேன் இங்கே உங்களுக்கும் 
செய்முறையோடு ..
                                                                                  

           இது ஒரு மீள்சுழற்சி செய்யப்பட்ட கிரீட்டிங் கார்ட் பாஸ்கட் ..நம்ம நாட்டிலும் கிருஸ்மஸ் புத்தாண்டு திவாளி பொங்கல் ரம்ஜான் கார்ட்ஸ் பார்த்திருக்கேன் ..நாம் அனைவருக்கும் பண்டிகைக்கு முன்பே போஸ்ட் பண்ணிடுவோம் ..
ஜெர்மனில இருந்த வரைக்கும் சும்மா வாழ்த்திப்போம் அவ்வளவுதான் ..ஆனா இங்கே இங்கிலாந்து நாட்டில் கிறிஸ்மஸ் வர ஒரு மாதமிருக்குமுன்பே கார்ட்ஸ் கடைகள் களை கட்டும் ..இங்கு வந்த புதிதில் எங்களுக்கு தெரியாது ஆலயத்தில் கூட அனைவருக்கும் பெயரெழுதி கார்ட்ஸ் வச்சிருப்பாங்க !
அப்புறம் இப்போ ஒரு தெருவில் அனைவர் வீட்டு லெட்டர் பாக்ஸிலும் நாமே நேரில் போட்டு விடனும் கார்ட்சை ..பேரெல்லாம் தெரியாட்டியும் பரவாயில்லை வீட்டு இலக்கம் எழுதி போடுவோம் !
பண்டிகை முடிந்ததும் பார்த்தா !கூடை நிறைய அள்ளலாம் இந்த வாழ்த்து அட்டைகள் ..சில இடங்களில் recycle செய்வார்கள் .ஆனால் அங்கு எடுத்து செல்லனும் .எனக்கொரு பிரிட்டிஷ் நண்பி இப்படி பழைய கார்ட்சை வைத்து சிறு கூடை போல செய்ய சொல்லித்தந்தார் ..
இதில் கார்ட்ஸ் மட்டும் பயன்படுத்தணும் என்றில்லை பழைய சீனரிஸ் புகைப்படங்கள் கூட இருந்தால் பயன்படுத்தி செய்யலாம் 
இந்த சுட்டியில் பாஸ்கட்டுக்கு template செய்முறை எல்லாம் இருக்கு ..      

அடுத்தது ரசித்து ருசித்த சமையல் :) சகோதரி உமையாள் காயத்ரியின் 
பருப்பு முனிக்கி சாம்பார் ..

                                                                                        


                                                                                   



                                                                   தோசைக்கு மட்டுமில்லைங்க 
சாதத்திலும் ஊற்றி சாப்பிடலாம் சுவையோ சுவை ..செய்திட்டு காதை  கிட்ட வச்சி கேட்டேன் ..//நாங்க புதுசா கட்டிக்கிட்ட ஜோடி //
பாட்டு வருதான்னு :) வரல்லையே வரல்லையே அதுக்குப்பதில் வேற பாட்டு கேட்டது :)
என்னோடு வா வா என்று சொல்ல மாட்டேன் உன்னை விட்டு வேறு எங்கும் போக மாட்டேன் :)))

மீண்டும் ஒரு பதிவில் சந்திப்போம் ..அன்புடன் ஏஞ்சலின் :)



                                                             

12/8/14

குடும்பப் பெண்களையும் விட்டு வைக்காத அபாயகரமான ஒரு போதைப் பழக்கம்

ஒரு குடும்பத்தில் இருக்கும் ஒவ்வொரு நபருக்குமே  விதவிதமான தனிப்பட்ட பிரச்சனைகள் சிக்கல்கள் இருக்கின்றன. மூன்று பேரே வசிக்கும் சிறிய குடும்பமாக இருந்தாலுமே ஒருவரின் மன சிக்கல் மற்றொருவருக்கு தெரியாத அளவிற்கே இன்றைய சூழல் இருக்கிறது.. எந்த வயதினராக இருந்தாலும் கண்டுக்கொள்ளப் படாமல்  தனித்து விடப்படும் ஆணோ பெண்ணோ, தவறான வழியை நோக்கி எளிதாக ஈர்க்கப்பட்டு விடுகின்றனர். ஒரு முறை தவறியவர்கள் மீண்டெழுவது கடினம். சம்பந்தப்பட்ட நபர் தவறான பழக்கத்தில் ஈடுபட்டிருக்கிறார் என்பதே அவரின் வீட்டினருக்கு தெரிவதில்லை, நிலைமை முற்றியபின் ஐயோ இப்படி ஆகிபோச்சே என்று அரற்றுவதில் பயனென்ன?!!

குடும்ப உறுப்பினரின் நடவடிக்கையில் சிறு மாற்றம் தெரிந்தாலும் உடனே எச்சரிக்கை ஆவது எத்தகைய அவசியம் என்பதை ஒரு பெண்ணின் பரிதாப வாழ்க்கை எனக்கு புரியவைத்துவிட்டது. மாணவர்கள் மட்டுமல்ல குடும்பப் பெண்களிடமும் தாராளமாக இப்பழக்கம் இருக்கிறது என்பதும் அதனால் அவர்களின் குழந்தைகள் படும் துன்பங்கள் மிக கொடுமை என்பதையும் நேரில் கண்டு  அதிர்ந்தேன். அதை பிறருக்கு தெரிவித்து ஒரு விழிப்புணர்வை ஏற்படுத்தவே இந்த கட்டுரை.

அபாயகரமான ஒரு போதை பழக்கம் / inhalant addiction ..




சிறு பிரச்சனைகளில் இருந்து வெளிவருவதாக எண்ணிக் கொண்டு போதையில் விழுந்து தீரா துன்பத்திற்கு ஆளாகி விடுகிறார்கள்.   

விலை மலிவு, எளிதாக கிடைக்கக் கூடிய ஒரு போதைப் பொருள் தான்  whitener அல்லது correction fluid எனப்படும் வெண்ணிற திரவம்

சில துளிகளை கர்ச்சீபில் தெளித்து பின் அதை முகர்ந்து பார்ப்பதன் மூலமும் பாட்டிலை திறந்து ஆழ்ந்து உள்ளிளுப்பதன் மூலமும் போதை ஏற்படுகிறது. எல்லா டிபார்ட்மென்ட் ஸ்டோரிலும் எளிதாக கிடைக்கக் கூடியது. சிறு குழந்தைகள் சென்றும் வாங்கலாம், ஒரு சில கடைக்காரருக்கே இது ஒரு போதை பொருள் என தெரிய வாய்ப்பில்லை. தவிரவும் பான் மசாலா, பெட்டிக் கடைகளிலும் தெரிந்தே இப்பொருள் விற்கப் படுகிறது.  

பொதுவாக தட்டச்சு எந்திரங்கள் யன்பாட்டில் ள்ள அலுவலகங்கள் மற்றும் வேறு இடங்களிலும் வலம் வந்தது இந்த வெண்ணிற திரவம். கம்பியுட்டர், பிரிண்டர், ஸ்கேனர் என்று மாறிய பின் இந்த fluid whitener பயன்பாடு  பள்ளி மாணவர்களிடையே அறிமுகமாகியது. தவறான எழுத்துக்களை அழிக்க  இந்த திரவத்தை நோட்டு ுத்தகத்தில் தடவ அப்போது அதில் இருந்து வரும் வாசனை  மீண்டும் மீண்டும் அதையே நுகர  தூண்டியுள்ளது. அப்படித்தான்  ஆரம்பித்தது இந்த  போதை பழக்கம்.. 

அந்த பெண்ணிற்கு திருமணம் முடிந்து இரு குழந்தைகள் பிறந்த பிறகும் இப்பழக்கத்தை விடாமல் அதிகமாக நுகரத் தொடங்கினார். அதற்கு வசதியாக  சூழ்நிலைகளும் அமைந்தன. கணவர் இந்த பழக்கத்தை கண்டுப்பிடித்து கண்டிக்க ஆரம்பித்தார். சிறிது காலம் மறந்ததை போல இருந்துவிட்டு கணவர் வெளிநாடு சென்றதும் மீண்டும் ஆரம்பித்தாள். பாட்டில்களாக வாங்கி குவித்து இதுவரைக்கும் ஒரு லட்சத்திற்கும் மேல் செலவு செய்திருக்கிறாள் என்று அவளது தாய் சொன்னபோது என்னால் நம்பவே முடியவில்லை. குழந்தைகள் இருவரும் பாட்டி, தாத்தா வீட்டில் வளர்ந்து வருகிறார்கள். போதை மயக்கத்தில் இருக்கும்போது அருகில் வரும் குழந்தைகளை அடிப்பதும், கண்டபடி திட்டுவது, பொருட்களை அவர்கள் மீது வீசி எறிவதுமாக இருந்திருக்கிறாள், பயந்து போன இவளது தாய் பேரக்குழந்தைகளை தனது வீட்டிற்கு அழைத்துச் சென்று விட்டார்கள்.

வசதிக்கு குறைவில்லாத வீடு, வேலைக்கு ஆட்கள், தனிமை எல்லாம் வாய்ப்பாக அமைய ஒரு நாளைக்கு நாலு, ஐந்து பாட்டில்கள் என காலியாயின. இவளது நடவடிக்கை மோசமாக செல்வதை புரிந்துக் கொண்ட கணவன் மாமியார் வீட்டிற்கு சென்று குழந்தைகளை மட்டும் பார்த்து விட்டு வெளிநாடு போய்விடுவானாம். ஆரம்பத்தில் இதில் என்ன இருக்கிறது என்ற இந்த பெண்ணின் ஆர்வம் இப்போது ஒரு மன நோயாளியாக்கி விட்டது. கணவனை, குழந்தைகளை பிரிந்தாள், ஆனால் தன்னால் தனது குடும்பமும் சிதறி போனது பிள்ளைகள் தவிப்பது என இவை  எதை பற்றியும் கவலையின்றி தனக்குள் சிரிக்கிறாள், பேசுகிறாள்...பேசிக்கொண்டே இருக்கிறாள் !!?


இவள் மட்டுமல்லஇவளை போல பலர் இன்று இந்த பழக்கத்திற்கு அடிமையாகி மீள முடியாமல் கிடக்கிறார்கள். நம் நாட்டில் ஒரு குறிப்பிட்ட நகரத்தில் மட்டும் இதற்கு அடிமையானோரின் எண்ணிக்கை 8000 சிறார்கள் என்கிறது ஒரு சர்வே. ஒவ்வொரு மாதமும் 30 சிறார்கள் போதை பொருள் மறுவாழ்வு மையத்திற்கு சிகிச்சைக்கென வருகிறார்கள். குடிசைப்பகுதி மற்றும் இளம் குற்றவாளிகள் மத்தியில் இப்பழக்கம் மிக வேகமாக பரவி வருகிறது.   




ஒரு 15ml bottle ரூபாய் 30/- க்கு கிடைக்கிறது. Whitener மட்டுமல்ல, நெயில் பாலிஷ் ரிமூவர் , ஷூ பாலிஷ் திரவம், பெயின்ட் தின்னர்  போன்றவற்றையும் முகர்ந்து மயக்க நிலைக்கு செல்கிறார்கள். இந்த பொருட்களில் உள்ள ரசாயனம் முகர்ந்த உடன் நேரடியாக மூளையை சென்றடைகிறது. இத்தகைய உடனடி போதை பல குற்றங்களை செய்யத் தூண்டுகிறது. காசு கேட்டு கொடுக்காத தந்தையை கத்தியால் குத்தியுள்ளான் சிறுவன் ஒருவன், காரணம் இந்த Whitener போதை. பல குற்றச்  சம்பவங்களின் பின்னணியில் இந்த Whitener பங்கு வகிக்கிறது.


தற்போதைய ஆய்வுகளின் படி மத்திய நடுத்தர குடும்பத்து பிள்ளைகளே இப் பழக்கத்திற்கு அதிகளவில் அடிமையாகின்றனர். ஆர்வகோளாரில் ஆரம்பிக்கும் பழக்கம் வாழ்க்கையின் அஸ்திபாரத்தையே ஆட்டம் காணச் செய்து விடுகிறது.



கேரள மாநில காவல்துறை நீதிமன்றத்தில் சமர்பித்த ஒரு அறிக்கையில் சொல்கிறது இந்த whitener முகர்தல் பழக்கம் நாளடைவில் குடிபழக்கத்திற்கு அடிமையாக்கிவிடும் என்று.



13முதல் 17 வயது மாணவர்கள் மத்தியில் இந்த Inhalant போதை பழக்கம் தடுக்க இயலாதபடி வேகமாக பரவிவருவதால் இதற்கெதிராக ஒரு பெட்டிஷன் நார்கொடிக்ஸ் மையத்தில் அளிக்கப்பட்டு உள்ளதாம் .இதைப்பற்றிய விழிப்புணர்வு கருத்தரங்குகள் மக்கள் மத்தியில் பரவ வேண்டும் .


பதின்ம வயது எதையாவது செய்து தனித் தன்மையை நிலைநாட்ட வைக்க முற்படும் வயது. அந்த வயதில் புதிய அனுபவங்களை மனம் நாடும். எல்லைகளையும் தடைகளையும் உடைக்க சொல்லும் பருவம். அதை கவனமுடன் கையாள வேண்டும். குறிப்பாக பெற்றோர் பிள்ளைகள் மத்தியில் அன்பாகவும், அனுசரணையுடனும்  நடந்துக் கொள்ளவேண்டும். பெற்றோர் தங்கள் பிள்ளைகள் என்ன செய்கிறார்கள் என்பதை உற்று கவனிக்க வேண்டும். இந்த Inhalant போதை பழக்க விஷயத்தில் பள்ளி மாணவர்கள் மற்றும் தெருவோர பிள்ளைகள் இருவரும் அடிமையாகி உள்ளனர்

இதன் தீமைகள்



* இந்த வெண்ணிற விஷம் எழுத்துப் பிழைகளை  மட்டும் அழிப்பதில்லை !மனித மூளையின் ஞாபக சக்தியையும் அழிக்க வல்லது .


* மனநிலை பாதிப்பு ஏற்படும்.  இதயம், நுரையீரல்,மூளை,கிட்னி, ஈரல் போன்றவை பாதிக்கப்படும்.

* இந்த காரத் தன்மையுள்ள டொலூவீன்  மற்றும் trichloroethane  நுகர்வுக்கு பின் எட்டு மணி நேரத்துக்கு போதைத் தன்மை உண்டாக்கும். இதிலுள்ள ஹைட்ரோ கார்பன்கள் இரத்தத்தில் உடனடியாக கலந்து மத்திய நரம்பு மண்டலத்தை அடைகின்றன. 

* தனக்குள்ளே சிரிக்கும் செயல் ஒரு வித ஹாலுசினேஷன் நிலை, அதாவது  தன்னிலை மறப்பது . இந்த போதை பழக்கத்தின் விளைவுகளில் இதுவும் ஒன்று .

* தூக்கமின்மை, பேச்சு குளறுதல், தடுமாற்றம், ஞாபக மறதி ,மங்கலான பார்வை, தலைவலி, சொன்னதையே சொல்லிக் கொண்டிருப்பது, முன்னுக்கு பின் முரணாக நடப்பது.

* இதய துடிப்பு சீராக இல்லாதவர்களுக்கு உடனடி மரணம் ஏற்பட அதிக வாய்பிருக்கிறது.

* தற்கொலை செய்துக் கொள்பவர்களில் 40 சதவீதத்தினர் இப்பழக்கம் மேற் கொண்டவர்கள் ஆவர். காரணம் தெரியாத பல தற்கொலைக்கு இது ஒரு காரணமாக இருக்கலாம்.

எவ்வாறு கண்டுபிடிக்கலாம்

* அவர்களின் கர்ச்சீப்பில் வெண்ணிற/வேறு நிற கரை இருக்கிறதா, வாசனை வருகிறதா என கவனிக்கலாம். 

* பிள்ளைகளின் ஆடைகளில் எண்ணெய், பெயிண்ட் கரை இருப்பதன் மூலமாக, வாய் பகுதியை சுற்றி புள்ளிகள் கொப்பளங்கள் ஏற்பட்டிருந்தால்,  கடுமையான ஜலதோஷம் மற்றும் சுவாசத்தில் கெமிக்கல் வாசனை தெரிவதன் மூலமாகவும் கண்டு உணரலாம்.

இதற்கென்று எந்த ஒரு தனிப்பட்ட மருத்துவமும் இல்லை என்பது இதன் சோகம்.

ஒருவர் தவறான பழக்கத்தில் ஈடுபட காரணம் எதுவாக இருந்தாலும் வீட்டினரின் அன்பும் அக்கறையும் கவனிப்பும் இருந்தால் மட்டும்தான் சரி செய்யமுடியும். உங்கள் குழந்தை இப்பழக்கத்திற்கு ஆளாகி இருப்பது தெரியவந்தால் முதலில் அவசரப்படாமல் உங்கள் குழந்தையை அமைதியாக அணுகுங்கள். ஆத்திரப்பட்டு வார்த்தைகளை கொட்டுவதோ, அடிப்பதோ கூடவே கூடாது. அவ்வாறு நடந்துக் கொண்டால் அவர்களின் இதயத் துடிப்பு அதிகரித்து மேலும் சிக்கலாகிவிடக் கூடும், எச்சரிக்கை. ஒரு முறை நுகர்வது கூட மரணத்திற்கு இட்டுச் செல்லும் என்பதை நினைவில் வைத்துக் கொள்ளுங்கள்.

போதைக்கு அடிமையாக வெவ்வேறு காரணங்கள் இருந்தாலும் போதை பொருளின் தன்மை ஒன்றே , அது தீயது அதை தேர்வு செய்த பாதையும் தவறே !!

என்ன செய்யப் போகிறோம் நாம் ??!! குறைந்தபட்சம் நம் வீட்டுப் பிள்ளைகளை மட்டும் கவனித்தால் கூட போதும் !!


இந்த போதைப் பொருளைப்  பற்றி எழுதி இதுவரை தெரியாதவர்களுக்கு தெரியவைத்து விடுவோமோ என்ற தயக்கத்திலேயே கடந்த மூன்று வருடமாக எழுதாமல் இருந்தேன். ஆனால் வெகு தாராளமாக இன்று பள்ளி கல்லூரிகளில் நடமாடுகிறது என்பதை அறிந்த பின்பே இதன் தீமைகளை பற்றி எழுதாமல் இருக்கக் கூடாது என்ற முடிவிற்கு வந்தேன். தயவு செய்து இப்பதிவை படித்தவர்கள் பிறருக்கும் பகிர்ந்து ஒரு விழிப்புணர்வை ஏற்படுத்துங்கள். நன்றி.

கௌசல்யா ...and Angelin ..

whitener பற்றிய தகவலை பல செய்தித்தளங்களில் இருந்து  எடுத்தேன் ..
reference from these websites 

http://timesofindia.indiatimes.com/life-style/people/Whitener-addiction-on-the-rise-among-teens/articleshow/36496491.cms
http://www.childlineindia.org.in/children-affected-by-substance-abuse.htm
http://smprap1989.blogspot.co.uk/2013/07/whitener-ink-addiction-contributed-to.html
http://timesofindia.indiatimes.com/city/indore/Partial-ban-on-whitener-sale-over-addiction-fears/articleshow/23207436.cms
http://www.facenfacts.com/NewsDetails/20091/children-of-a-lesser-god...-on-kolkatas-streets.htm
http://emedicine.medscape.com/article/818939-overview
http://www.nhtsa.gov/people/injury/research/job185drugs/toluene.htm



11/28/14

Loud Speaker ..12,.மிஸ்ஸி ..மற்றும் சேத்

Loud Speaker ..12,.மிஸ்ஸி ,சேத் 

மிஸ்ஸி எனும் ..கிங் (பென்குயின் )பெண்குயின் :)


                                                                              

                                                                     
இதுதான் அந்த பென்குயின் ..நாங்க cotswold பறவைகள் பூங்காவில் இவரை பார்த்தோம் .வலப்பக்கம் இருப்பது மிஸ்ஸி அதனருகில் 
இருப்பது சேத் (seth ).
இவை  captive முறையில் பரமரிக்கபட்டு இந்த பூங்காவில் வளர்கிறார்கள் .
இப்படி captive முறையில் வளருபவை அதிக நாட்கள் உயிர் வாழ்கின்றன 
என்கிறார்கள் !
                                                                                

மிஸ்சிக்கு இந்த வருடம் 37 வயசு பூர்த்தியாகியுள்ளது .அருகில் 
இருக்கும் அதன் பார்ட்னர் சேத் இதனுடன் 18 வருடகாலம் 
லிவிங் டு கெதர் ஆக இருக்கிறார்களாம் ..நம்ம நாட்டு பெங்குயினாக இருந்தா கணவன் மனைவின்னு சொல்லலாம் :) இங்கே ஒன்லி பார்ட்னர்ஸ் :)..இதில் முக்கியமான விஷயம் மிஸ்சிக்கு ஒரு கண் பார்வை இல்லை .என்னே !! ஒரு அன்பு பாசம் நேசம் காதல் இந்த ஜீவன்களிடமும் !!இருவரும் எப்பவும் ஒன்றாகத்தான் காணப்படுவார்கலாம் !!

நாங்க பார்க்குக்கு போனப்போ மிஸ்ஸியை  பார்த்தோம் ஆனா தனியாக  படமெடுக்க முடியவில்லை .நிறைய கூட்டம் 
.அப்போ அங்கே பிங்க் கலர் sash அணிந்து ஒரு பெண் ,பென்குயின் பராமரிப்பவருடன் வாலண்டியர் உதவி செய்து கொண்டிருந்தார் .
அந்த sash இல் bride to be என்று எழுதபட்டிருந்தது ..

                                                                                     

நம்ம ஊரில் திருமணத்துக்கு முந்தின நாள் நலங்கு ,கஸின்ஸ் கெட்  டு கெதர் மற்றும் பாச்சிலர்ஸ் பார்ட்டி தருவதுபோல இங்குள்ள பெண்கள் hen பார்ட்டின்னு கொடுப்பாங்க .அப்போ ஒரு சாட்டின் துணியை குறுக்கு மாலை போட்டாற்போல அணிந்து  போவாங்க பார்ட்டிக்கு .

இந்த பெண் அந்த சாஷ் அணிந்து பார்ட்டிக்கு போகுமுன் அங்கே வாலெண்டியர் வேலை செய்ய ஒரு காரணம்  சொன்னார் ........ 
//இந்த பென்குயின் காதலர்கள் போல எங்க வாழ்க்கையும் இணைபிரியாம இருக்கணும் அதனால் இன்னிக்கு இங்கே உதவி செய்ய வந்தேன் என்றார் ,//

அது உண்மைதான் மிஸ்ஸி யும் சேத்தும் நின்னுகிட்டிருந்தாங்க இன்னொரு பென்குயின் சேத்தை எதோ வந்து கோபத்துடன் தள்ளியது உடனே மிஸ்ஸி ஜான்சி ராணிபோல பாய்ந்து தனது பார்ட்னரை கொத்திய பென்குயினை கோபத்துடன் கொத்துச்சி :) 
(இந்த  seth ..batman படத்தில் கூட நடிச்சிருக்கே   !!
1992 film Batman Returns with Danny DeVito.)
வாயில்லா  ஜீவன்களிடமும் இத்தனை அன்பா !!
ஏற்கனவே நான் மனிதர் உணர்ந்து கொள்ள இது மனித காதல் அல்ல !
என்று     இங்கே  தென் ஆப்பிரிக்கா டு croatia  இரு நாரைகளின்  உண்மை காதல் கதை பற்றி எழுதியுள்ளேன் ......
அதுபோல இவற்றை நேரில் கண்டபோது ஆச்சர்யமாக இருந்தது !!....

அது மட்டுமில்லை இங்கே பாருங்க இந்த பென்குயின்கள் சர் டேவிட் அட்டன்பரோவை சுற்றி நிற்பதை ..என்னத்தான் பேசியிருப்பார்களோ !
இது சென்ற வருடம் அவர் இங்கே வருகை தந்தபோது எடுத்த படமாம் .
ஒரு சில பென்குயின்கள் குஞ்சு பொரித்து உள்ளனவாம் இப்போ 
மேலும் படங்களுக்கு அவங்க முகபுத்தகம் சென்று பார்க்கவும் :)


                                                                         
அடுத்து ஒரு commercial break :)

 இந்த படத்தை பாருங்க ஏதாவது வித்தியாசம் தெரிகிறதா ??
எனது காலடித்தடங்கள் தான் இங்குள்ள  கடற்கரையில் 
எடுத்து அப்பவே   :) முகபுத்தகத்தில் போட்டேன் 
மாலை வீட்டுக்கு வந்தா அனைவரும் கேட்ட கேள்வி எப்படி அச்சு 
போலவந்தது !! நடந்தா குழிவாக தானே இருக்கும் !!
எனக்கே புரியவில்லை !!!!
                                                                           




இனிய வார இறுதி வாழ்த்துக்கள் :) 
                                                                               


                                                                                

11/26/14

Loud speaker 11 .மூதாதையர் ,.மற்றும் சில நினைவுகள்

Loud speaker 11 ..

எல்லாரும் கண்களை மூடி மனதில் டார்ட்டாய்ஸ் கொசுவர்த்தி
 சுருளை நினைச்சுக்கோங்க ...இப்ப சில வருஷங்கள் பின்னோக்கி 
 போறோம் .
இது ஒரு மீள்  பதிவு ..லிங்க் கொடுக்கலாம்னு நினைச்சேன் 
ஆனா அதில் நான் முதன்முறையா செய்த அதிரசம் படத்தை போட்டுட்டேன் அதைபார்த்து யாரும் ஓடிறகூடாதே என்ற 
நல்ல எண்ணத்தில் மீண்டும் இங்கே பதிவாக்கிட்டேன் :)


ஒரு கிராமத்தில் நாற்புறமும் சோளக்கொல்லை /கரும்பு /
வெற்றிலை /நிலக்கடலை தோட்டங்களுக்கு நடுவே அமைந்த ஒரு 
வீட்டின் அறையில் ,ஒரு சின்ன தேவதை மரத்தாலான தொட்டிலில் 
அழகா தூங்கி கொண்டிருக்கு :)  அதோட அம்மா சமையல் அறையில் 
இருந்து எதேச்சையாக பெட் ரூமுக்கு வந்தா !!!!!!!! அவங்களுக்கு 
பேரதிர்ச்சி !!!!!




                                                            இது கூகிளில் சுட்டது :)               

தூளி தொட்டில் ஆடுது ஆனா ஆட்டுபவர் யாரென்று தெரியல 
இன்னும் சற்றே நெருங்கி வந்து பார்த்தால் இவர் கயிறைபிடித்து 
ஆட்டிவிட்டு மரசட்டத்தின் மீது ஏறி அந்த குழந்தையை அப்படியே 
உற்றுப் பார்த்துக் கொண்டிருக்காராம்:)

சில நிமிடங்கள் குழந்தையின் தாய் செய்வதறியாது திகைத்து 
பின் சுதாரித்து பிஸ்கட்மற்றும் சில தின்பண்டங்கள் எடுத்து  
போட எதற்கும் அசையாத அவர் இறுதியில் குழந்தை பக்கத்தில் 
இருந்த பால் பாட்டிலை தூக்கிட்டு மெதுவா போய்விட்டதாம் ..
குழந்தை யாருன்னு தெரிஞ்சிருக்கும் :))..எங்கம்மா இதை எப்பவும் 
நினைவு கூறுவாங்க .
அம்மாவுக்கும் உயிரினங்களுக்கும் அப்படி ஒரு நட்பு .
அடுத்த சம்பவம் 2011 ஆண்டு துவக்கத்தில் நடந்தது 
எங்க வீட்டுக்கு சென்னையில் வாராவாரம் ஒரு பூட்ஸ் 
கூட்டமே வருகை தருமாம் ..அதாவது எங்க வீட்டை தாண்டி 
ஒரு ஹோட்டல்காரர் வெள்ளிகிழமைகளில் தவறாமல் பூட்ஸ் 
குடும்பத்தாருக்கு இட்லி மற்றும் சில உணவுவகைகளை 
தருவாராம் .(boots dora's monkey) :)
                                                                                    

இவை அங்கே விசிட் செய்திட்டு போகும் வழியில் எங்க அம்மா
வீட்டில் தண்ணீர் பறவைகளுக்கென பெரிய   மண் தட்டில் வைப்பாங்க 
அதையும் அருந்தி விட்டு செல்வார்களாம் .அவர்களில் ஒருவர் 
 அங்கே இருந்து அம்மா கையால் சில உணவு சாப்பிட்டு ரிலாக்ஸ்டா 
செல்வார் .அவர் பெயர் ரவி ..அம்மா தான் பெயர் வைத்தார்களாம் .
அப்புறம் சில மாதங்கள் இவர்கள் வீட்டுப்பக்கம் வரவேயில்லை 
போலீசில் ஹோட்டல்காரர் மீது யாரோ கம்ப்ளைன்ட் கொடுக்க ,
அவர் உணவிடுவதை நிறுத்தியதால்  இவர்களும்  வரவேயில்லை ..
                                                                                


பின்பு சமீபத்தில் ரவி மட்டும் வந்திருக்கு எங்க வீட்டுக்கு ..என் தங்கை நீருடன் உணவு தந்தாளாம் ஆனால் உண்ணாமல் 
ரவி அப்படியே அமர்ந்திருக்கு தங்கைக்கு புரிந்துவிட்டது ,சில நிமிடங்கள் 
ரவி உள் வரை வீட்டினுள் வந்து விட்டு சாப்பிடாமலே  சென்று 
விட்டதாம் ..இந்த ரவியை  அம்மா ஒரு புகைப்படம் எடுத்தாங்க ..
எனக்கும்  ஒரு காப்பி அனுப்பி வைச்சாங்க என் மகள் இங்கு ஒருவர்
 விடாமல் பள்ளி ஆலயம் நண்பர் அக்கம்பக்கம்  என்று அனைவரிடமும் 
படத்தை காண்பிச்சா ..பதிவில் இணைக்க வீடு முழுதும் 
தேடி பார்த்தேன் கிடைக்கவில்லை ..:((( ..இந்த பதிவு இரண்டு வருடங்கள் முன் எழுதியது அப்போ கிடைக்காத படம் போன வாரம் கிடைத்தது .

விலங்குகள் ஆனாலும் அவற்றுக்கும் அன்புண்டு ..
அது சரி இப்போ திடீர்னு மூதாதையர் நினைவு வரக்காரணம் :)
சகோதரர் தில்லை மற்றும் கீதா அவர்களின் பதிவில் இவர்களின் 
அன்புதொல்லையை பார்த்தேன் :)கீதா அவர்களின் வீட்டில் வருங்கால வெட்னரியனை பார்க்க வந்த மூதாதையர் எங்க வீட்டுக்கு வரக்காரணம் 
எங்கப்பாவும் ஒரு கால்நடை மருத்துவர்தான் ..MBBS சீட் கிடைத்தும் 
வேண்டாமென்று ஒதுக்கி ஆசைப்பட்டு சேர்ந்தவர் ..ஆனால் அதே பாடத்தை நான் அடம்பிடித்து விரும்பியபோதும் தடுத்து விட்டார் :(
அதன் காரணம் ஒரு சில ஆசிரியர்களின் ஈகோ :( தனக்கு தெரியாததை 
மாணவர் சொல்லும்போது ஏற்றுகொள்ளும் மனபக்குவம் அனைவருக்கும் வேண்டும் .எங்கப்பாவும் ஒரு அரைப்பக்கம் அளவுதான் கல்லூரியில் படிக்கும்போது நோட்ஸ் எழுதினாராம் :) நிறைய ப்ரோபசர்களிடம் கருத்துவேறுபாடு ,தனது கொள்கையில் கருத்தில் தீவிரமாக இருந்ததால் மற்றும் என்னால் சில விஷயங்களை சமாளிக்க முடியாது என்று தீர்மானமாக நம்பினார் .ஏற்கனவே அங்கே தில்லையகத்தில் பதிவு ரேஞ்சுக்கு பின்னூட்டம கொடுத்து விட்டேன் :) மிகுதி இங்கே ...ஆசிரியரோ மருத்துவரோ எந்த படிப்பு படித்திருந்தாலும் சிறந்த இடத்தை குறிப்பா மக்கள் மனதில் இடம் பெறனும்னா தனக்கு தெரியாத ஒன்று தன்னை விட படிப்பில் குறைந்தவர் சொன்னாலும் ஏற்கும் மன பக்குவம் வரணும் ..
எனக்கு நினைவிருக்கு .ஏழாம் வகுப்பு படிக்கும்போது எனது ஆங்கிலநோட் புத்தகத்தில் அம்மா ஒரு திருத்தம் செய்தாங்க அதை பார்த்த ஆசிரியை //நீ இனி உன் அம்மாவிடமே பாடம் படி ,இங்கே பள்ளி வராதேன்னு சொன்னாங்க !என்னவொரு ஈகோ :(   ...அவர் Niece என்பதை 
neice என்று எழுதினதை அம்மா திருத்தினது பொறுக்கல்லை :(

மற்றொரு சம்பவம் ..

ஒரு Vet .. மருத்துவரிடம் வாயில் நுரை தள்ளிய நிலையில் ஒரு நாய்க்குட்டி எடுத்து சென்றோம் அருகில் கூட வராமல் 
ஒரே வார்த்தை சொன்னார் அது //RABIES // உடனே கொன்று விடனும் ..//
அப்போ எனக்கு 15 வயது எங்கப்பா வேறு நாட்டில் பயணம் .எனக்கு அழுகை வந்து விட்டது எப்படி  2 மாத நாய்குட்டிக்கு வீட்டில் உள்ளே வளர்க்கும் ஜீவன் :( அவர் தயாராக மருந்துடன் நிற்கிறார் ..நான் முடியவே முடியாது  என்று தூக்கிட்டு ஓடி வந்துட்டேன் .இரவு முழும் ப்ரெயர் செய்து தனி அறையில் விட்டோம் காலையில் எழும்பி பார்த்தா வாலை  ஆட்டியபடி நிற்கிறது !! அடுத்த நாள் அது விளையாடிய பின் முற்றத்தில் பார்த்தா கட்டைகளின் நடுவே பெரிய கருந்தேள் .அது கடித்ததால்தான் நுரை ஏற்பட்டுள்ளது .நான் விடல்லியே :)
ஒரு வாரம் கழித்து அந்த மருத்துவரின் வீட்டுக்கு நாய் குட்டியுடன் சென்றேன் அவர் இல்லை அவரது மகன் வருங்கால வெட் ..இருந்தார் அவரிடம் உங்க தந்தை   ரேபிஸ் என்றார் அது இல்லை இது தேள் பூச்சி கடிதான் //என்று அவரிடம் மறவாமல் நான் சொன்னதை கூறுங்கள் //என்றேன்.சொல்லிட்டு எங்க வீட்லயும் இப்படி செய்ததை மறைக்காமல் 
சொல்லிவிட்டேன்..  
அதுக்கப்புறம் எனக்கு வீட்டில் மண்டகப்படி ஏனென்றால் மருத்துவர் அப்பாவின் நெருங்கிய நண்பர் :) .இதெல்லாம் பல வருடங்கள் முன்பு 
நடந்தவை ..அப்பா இப்போ உயிருடன் இல்லை ! அந்த மருத்துவரும் அவரது மகனும் இருக்காங்க ..அவங்களுக்கு என்னை நினைவிருக்குமா தெரியாது :)ஆகவே தைரியமாக பெயர் இருப்பிடம் சொல்லாம எழுதுகிறேன்.. :) 
இப்போ எங்க மகளுக்கு ரொம்ப ஆசையாம் வெட்னரி டாக்டர் 
ஆகணும்னு :) இறைவனை  வேண்டுகிறேன் அவள் ஆசை நிறைவேறனும்னு ....அவள் வலைப்பக்கம் சென்று பின்னூட்டமிட்டு வாழ்த்திய அன்புள்ளங்கள் அனைவருக்கும் நன்றி மீண்டும் 
கிறிஸ்மஸ் விடுமுறையில்தான் அவள் ப்ளாகை பார்ப்பாள் அப்போ அனைவருக்கும் நன்றி கூறுவாள் அவள் வலையில் ..

                                                  -----------------------------------------------





11/22/14

rss + ing !!! எப்படி தடுப்பது

rss +ing இது ஒரு விதமான திருட்டு !

சில நாட்களுக்கு முன்பு தேனம்மை லக்ஷ்மணன் அக்கா அவர்கள் முகபுத்தகத்தில் இந்த  தனது பதிவுகள் 500 க்கும் மேல் rss + ingதளத்தில்  FORWARD ஆகியிருப்பதை சொல்லியிருந்தாங்க .எவ்வளவோ செய்து பார்த்தும் அந்த தளம் நிறைய விஷயங்களை டிசேபிள் செய்து வைத்திருந்ததால் நிறுத்தும் வழிகள் தெரியாமலிருந்தது ..
நேற்று புற்று நோய் வளாக பதிவுபோடுமுன் யாராவது அதே பதிவை தமிழில் எழுதியுள்ளார்களா என கூகிளில் /புற்றுநோய் ,வீட்டுத்தோட்டம் //
என்று டைப் செய்து தேடினேன் அப்போ 

என்று தேடலில் வந்தது லிங்க் உள்ளே போனா எனது பதிவுகள் 113 கிட்ட அங்கிருக்கு !!
உடனே பிரபுக்ருஷ்ணா கிட்ட கேட்டு எப்படி தடுப்பதின்னு முயற்சி செய்து அதை இப்போ ஸ்டாப் செய்தாச்சு ..
பிறகு ஆர்வகோளாரில் யார் யார் ப்ளாக் அங்கிருக்கு என்று தேடியதில் 
கோபு அண்ணா ப்ளாக் 
http://gopalakrishnan3.rssing.com/chan-6394639/all_p1.html

மனோ அக்கா பிளாக் 
http://millionaires10.rssing.com/chan-6394755/latest.php

இமாவின் ப்ளாக் 
http://nonpossessively10.rssing.com/chan-6417375/all_p1.html


தனிமரம் நேசன் பிளாக் 
http://minhow10.rssing.com/chan-6395185/latest.php

மதுரைத்தமிழன் ப்ளாக் 
http://avargal1.rssing.com/chan-6394641/all_p15.html

வெங்கட் நாகராஜ் ப்ளாக் 
http://venkatnagaraj1.rssing.com/chan-6394095/all_p1.html

இளங்கோ அண்ணா ப்ளாக் 
http://enathu1.rssing.com/chan-6394790/all_p2.html

கோமதியம்மா ப்ளாக் 
http://micro-aerophile10.rssing.com/chan-6393104/all_p2.html

ராஜேஸ்வரியக்கா ப்ளாக் 
http://millinormal10.rssing.com/chan-6394748/all_p2.html

ஆசியா ஓமர் ப்ளாக் 
http://mininations10.rssing.com/chan-6395302/latest.php     

இப்படி இன்னும் எத்தனை பிளாக்ஸ்  அங்கிருக்கோ தெரியலை !!

நான் அவர்கள் என் ப்ளாக் போஸ்டை ட்ராக் செய்வதை தடுத்து விட்டேன் ..

இந்த லின்க்சுக்கு ப்ளாக் உரிமையாளர்கள் செல்லவும் 

இடது பக்கம் மேலே /Are you the publisher? Claim or contact us about this channel//

என்று ஒரு பெட்டி தெரியுதே அதில் claim என்பதை கிளிக் செய்யவும் 
இப்போ ஒரு நம்பர் வரும் //

//channel 6395302// இது போல அதை ரைட் கிளிக் செய்து copy பண்ணுங்க 

பிறகு மீண்டும் முந்தைய பக்கம் போங்க (back ) இப்போ claim அருகில் இருக்கும் contact us கிளிக் பண்ணுங்க இப்போ பார்த்தா 
Channel URL:
Channel Title:
Channel Description:
Number of articles sampled so far for this RSS channel:
இந்த இடங்கள் தானாக பேஸ்ட் ஆகியிருக்கும் 
நீங்க உங்க மெயில் அட்ரஸ் மற்றும் அந்த கீழுள்ள பெட்டியில் ஆங்கிலத்தில் 
எழுதணும் / I am requesting this RSS channel to be removed from your site.//

மறக்காம ஸ்பாம் folder செக் பண்ணுங்க இவங்க மெயில்ஸ் அங்குதான் விழுது ..





Request RSS channel to be removed from our site
Your Name:
Your Email Address:
URL on our site where your content appears:http:// (validate URL)
Note: You may remove this channel from our site immediately by claiming it here.
Channel URL:
Channel Title:
Channel Description:
Number of articles sampled so far for this RSS channel:
How are you the owner of this content? (e.g., site owner, account holder at the site hosting this content, original author/artist, etc.)
I confirm that I am the legal owner of ALL the content in RSS feed: 
I confirm that this RSS feed has been added to your site without my permission or approval.
I understand that I may be asked for proof of my ownership of this RSS feed if other claims of ownership for this content are made or are currently pending.
I confirm that I am requesting this RSS channel to be removed from your site.




-------------------------------------------------------------------------------------
அவங்க எனக்கு அனுப்பிய மெயில் 


Nasas Nami oneworldonesite@yahoo.com

Nov 21 (1 day ago)
to me
Removed.
Regards,
Support




From: "no-reply@rssing.com" <no-reply@rssing.com>
To: oneworldonesite@yahoo.com
Sent: Friday, November 21, 2014 1:17 AM
Subject: [RSSING-125709] remove channel request

ip:82.9.37.78
subject: remove channel request
request: Request RSS channel to be removed from our site
name: angelin
email:
chanurl: http://kaagidha1.rssing.com/chan-6394896/all_p5.html
note: i am the owner of this blog .i request you to stop tracking my site in rss feeds.


---------------------------------------------------------------------------------------------


 சகோதரர் மது சொன்னமாதிரி //ஜம்ப் ப்ரேக் பூட்டு ,
செட்டிங்க்ஸ்ஸில் அதர்ஸ் ஸில் ஆலவ் அண்டில் ஜம்ப் பிரக் போட்டாலே முழுமையாக போகாது ...//

செய்தாலும்   பதிவை ட்ராக் செய்ய முடியாதாம் .